Демократската конвенција што денеска започува во Чикаго и ќе трае до 22 август слободно може да се рече дека е еден од најголемите политички настани во Америка во пресрет на претседателските избори во ноември.
Над 5.000 демократски делегати, партиски функционери и гости се очекуваат да присуствуваат на националната Конвенција за поддршка и за номинација на Камала Харис за идна претседателка на САД. Се очекуваат околу 50.000 посетители, а во организацијата учестуваат и над 12.000 волонтери.
Конвеницијата ќе се одржи на две главни локации. Официјалните настани, говори и телевизиски гостувања во Јунајтед центар, а во МекКормик Плејс ќе се одржуваат партиски состаноци, консултации и брифинзи.
Важноста на Демократската конвенција
Традиционално, националните конвенции се дел од изборниот процес во САД. Доналд Трамп ја освои својата номинација во Милвоки во јули, на ист начин, од Републиканците.
Сепак, повлекувањето на претседателот Џо Бајден од изборната трка и позиционирањето на Камала Харис како кандидатка за претседателка на САД, со 99 отсто поддршка од Демократите, ја трасираше изборната трка на сосема поинаков начин.
Конвенцијата ќе започне со говорот на Бајден, а ќе заврши со номинацијата на Харис. Утре се очекува поранешниот претседател Барак Обама да даде свој осврт, а ќе се обратат и гувернерот на Илиноис, Ј.Б. Прицкер, и сопругот на Харис, Даг Емхоф. Во средата, според Би-би-си, се очекуваат обраќања на поранешниот претседател Бил Клинтон и поранешната претседателка на Претставничкиот дом Ненси Пелоси. Кандидатот за потпретседател на Харис, гувернерот на Минесота, Тим Волц, ќе го одржи говорот во ударниот термин таа вечер по неговата номинација.
Во четвртокот се очекува официјално да ја презеде претседателската номинација и да одржи говор кој е најавен како посвета „За иднината“.
Камала Харис на големата сцена
Харис од самото повлекување на Бајден му даде поинаков тек на она што беше клучно за Демократите, но кое што претседателот не успеваше да го артикулира до крај. Таа испрати попрогресивна и јасна порака не само да поддржувачите, туку и до спротивната страна, дека е сериозен играч во изборната трка. Порака која ја искажува нејзината заложба во битките за правата на аботртус, битката за слобода, понуди појасна економска агенда, како и се заложи за поинакво здравство, социјала… Изборот на Тим Волц за потпретседател, уште повеќе ја зацврсти нејзината позиција кај Демократите.
Харис во нејзниот говор се очекува да ја исцрта трасата по која ќе се движи во трката против Трамп. По соочувањето со надежите кои ги полагаат Демократите во неа, следниот клучен наста ќе биде дебата во септември со Трамп и предвремено гласање во некои клучни држави. набргу потоа.
Очекувани протести
За време на Конвенцијата се очекуваат протести поврзани со војната во Газа. Од самиот почеток на 7 октомври, администрацијата на Бајден се соочува со жестока критика и постојани демонстрации во САД.
Некои од тие демонстрации беа отворено антисемитски, при што некои демонстранти изразија поддршка за Хамас, предизвикувајќи осуда од Бајден и Харис. Според организаторите, десетици илјади демонстранти се очекуваат да протестираат против поддршката на администрацијата на Бајден – најмногу преку продажба на оружје – на израелската војска и премиерот Бенјамин Нетанјаху.
Според Би-би-си, организаторите се „борат“ со градските власти на Чикаго околу просторот за протестирање.
Што друго може да се очекува на Демократската конвенција?
Можеби еден од најзначајните говори за Демократите ќе биде оној на Обама, отколку на актуелниот претседател Џо Бајден. Дваесет години откако тој изби на сцената како непознат законодавец од Илиноис со наелектризиран говор на конвенцијата и речиси осум години откако ја напушти Белата куќа, партијата повторно ќе се потпира на реторичката вештина на Обама.
Харис, со својот оптимизам во стилот на Обама, обликувајќи ја својата изборна кампања како борба за иднината, дава историска можност Америка да избере претседателка, прва жена и тоа со индиско-американско потекло.
Обраќањето на Обама и неконвенционалноста со која тој стана претседател, од една страна, и номинацијата на Харис, како борец за слобода, економски можности, репродуктивни и гласачки права и против вооруженото насилство, од друга страна, можеби ќе ги приближи повторно Демократите во духот на единството и желбата за подобр иднина.
На митинг во Филаделфија претходно овој месец, на кој таа го претстави Волц како нејзин кандидат, Харис изјави:
„Тим и јас имаме порака за Трамп и другите кои сакаат да го вратат часовникот наназад на нашите основни слободи: Не се враќаме назад“, рече таа.
Харис, како поранешен обвинител и државен обвинител на Калифорнија, која ставаше финансиски и сексуалните престапници зад решетки, испрати порака против Трамп, кој е обвинет четири пати и чека казна откако беше осуден на судење за премолчувани пари во Њујорк:
„Работев со насилници од секаков вид – предатори кои злоупотребуваа жени, измамници кои измамуваа потрошувачи, измамници кои ги прекршија правилата за своја корист. Затоа, слушнете ме кога велам: Го познавам типот на Доналд Трамп“.
Пораката која Демократите се надеваат дека Американците ќе ја примат за време на Конвенцијата е дека изборот на Харис е избор на здраворазумска, храбра и сочувствителна лидерка.
Подготви: Б. Јордановска
