Експлозии се слушнаа во суданскиот град Порт Судан, додека паравоени сили го нападнаа де факто главниот град на владата предводена од војската во земјата трет ден по ред, пренесува Би-би-си.
Густ црн чад можеше да се види во зори на хоризонтот на претходно безбедниот град каде што илјадници луѓе, бегајќи од двегодишната граѓанска војна, побараа засолниште.
Летовите се откажани откако беспилотни летала го погодија единствениот функционален меѓународен аеродром и хотел во близина на сегашната претседателска палата, се вели во извештаите.
„Гледам огромен облак и оган како се шират низ целиот град… и сега слушнав дека беа како уште два силни удари. Изгледа доста апокалиптично“, изјави новинарката Кристина Карер за Би-Би-Си.
Еден дрон го погоди цивилниот дел од аеродромот Порт Судан, а друг ја погоди главната воена база во центарот на градот, изјавија очевидци за новинската агенција АФП.
Трет дрон погоди „магацин за гориво во близина на јужното пристаниште“, во густо населениот центар на градот, каде што претставници на ОН, дипломати, агенции за помош и суданската армија се преселија од главниот град Картум, објави АФП.
Голем хотел лоциран во близина на резиденцијата на началникот на армијата, генерал Абдел Фатах ал-Бурхан, исто така беше погоден во нападот, рече сведокот.
Војската ги обвини паравоените Сили за брза поддршка (RSF) за нападите со беспилотни летала што започнаа во неделата. RSF сè уште не ги коментираше нападите.
Пред нападите во неделата, Порт Судан избегнуваше бомбардирање и се сметаше за едно од најбезбедните места во земјата разорена од војната.
Парамилитантната група сè повеќе се потпираше на беспилотни летала за да ги врати изгубените територии, вклучувајќи го и Картум, кој беше вратен од армијата во март.
Двете години борби меѓу армијата и RSF убија илјадници, принудија милиони да ги напуштат своите домови и ја создадоа најлошата хуманитарна криза во светот.
И армијата и RSF се обвинети за воени злосторства.
М. Д.
