Вo населба Маџари, Општина Гази Баба, киното Маџари доби нов лик со голем и видлив графити: МРТОВ ШИПТАР, ДОБАР ШИПТАР („Шиптар“ се смета за погрден и навредлив назив за Албанците кога се користи во другите јазици).
Овие графити се видливи од улицата, упатувајќи недвосмислена порака до сите кои поминуваат од таму и „гордо“ го претставува дискурсот на етничката омраза што им се наметнува на граѓаните.
Говорот на омраза не е замрен, но очигледно се работи за релативно ново четиво за сите кои што поминуваат покрај киното, но и за оние кои се собираат во вечерните часови пред него.
Инаку, кино Маџари е познато по барем две манифестации кои се оддржуваат под покровителство на Општината. На 15 јули тука на платото пред киното се оддржа меѓународна фолклорна манифестација, а предновогодишно се организира базар, како и новогодишните забави.
Фотографија: ЦивилМедиа
