Министерството за правда на САД ја затвора програмата со која се санкционираат олигарсите поврзани со Кремљ, започната во 2022 година, објави на 5 февруари државната обвинителка Пем Бонди.
Во меморандумот, Бонди објави дека програмата позната како „Task Force KleptoCapture“ ќе биде прекината, бидејќи приоритет на администрацијата на Трамп е борбата против нарко-картелите и меѓународните банди, пренесува Кијив Индипендент
Иницирана во времето на поранешниот американски претседател Џо Бајден, програмата имаше за цел финансиски да ги притисне богатите сојузници на рускиот претседател Владимир Путин по целосната инвазија врз Украина и да ги казни оние кои се вклучени во затајување санкции.
Додека тековните случаи против руските олигарси ќе продолжат, работната група повеќе нема да биде централно управувана во Министерството за правда. Промените ќе стапат на сила најмалку 90 дена, со можност да станат трајни.
Работната група претходно заплени имот од поединци како сопственикот на ТВ каналот Царград, Константин Малофејев и дагестанскиот сенатор и милијардер Сулејман Керимов.
Граѓанската тужба за одземање на имотот против Малофеев првпат беше поднесена во САД на 30 ноември 2022 година, а обвинителите се заканија дека ќе одземат 5,4 милиони долари.
Слично на тоа, во април 2022 година, САД ја запленија суперјахтата на Керимов вредна 300 милиони долари и го санкционираа неговото семејство и соработниците подоцна истата година.
Подготви: Д. Мишев
