Американскиот претседател Доналд Трамп вчера повторно ја доведе во прашање непристрасноста на заменик-директорот на ФБИ Ендрју Меккејб кој планира да се пензионира откако Трамп го нападна за наводните „расположенија против него“ во ФБИ.
– Како може заменик-директорот на ФБИ Ендрју Меккејб, кој раководеше, заедно со поткажувачот Џејмс Коми, со истрагата на лажгата Хилари Клинтон (вклучувајќи ги и нејзините 33.000 нелегално избришани пораки) за време на истрагата да прими 700.000 долари за кампањата на жена си од марионетите на Клинтон ?, напиша Трамп на Твитер.
Во 2015 година Џил Меккејб, сопругата на заменик-директорот на ФБИ, доби донации од 700.000 долари за потребите на предизборната кампања за Сенатот на Вирџинија од гувернерот на државата, кој се смета за сојузник на Хилари Клинтон, како и од локалниот огранок на Демократска партија. Во тоа време, сепак Меккејб не беше заменик-директор на ФБИ и немал надзорна улога во случајот со електронските пораки на Клинтон.
Освен тоа, Трамп во друг твит напиша дека Меккејб „чека да истече рокот за да се пензионира со целосна пензија“ и оти му остаnуваат 90 дена.
Трамп и неговите републикански сојузници јасно покажаа дека не го сакаат Меккејб во ФБИ, но тој е службеник кој не може да биде отпуштен без јасни докази за престапи.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
