Украина го отфрли предлогот на Москва за хуманитарни коридори кон Русија и Белорусија, изјави украинската вицепремиерка Ирина Верешчук, пренесува МИА.
– Тоа не е прифатлива опција, истакна таа откако Русија предложи преминување на цивили од Харков, Киев, Мариупол и Суми.
Верешчук нагласи дека „цивилите нема да одат во Белорусија, а потоа да се качат во авион кон Русија“
Украина денеска потврди дека преговара со Русија за воспоставување хуманитарни коридори, но властите наглчасуваат дека тие најверојатно нема да бидат воспоставени додека руските сили се обидуваат да напредуваат.
Киев, исто така, оценува дека предлогот на Русија за отворање хуманитарни коридори е „целосно неморален“ бидејќи Москва предложи на граѓаните да им биде дозволено да се евакуираат од украински градови во Белорусија или Русија.
Портпаролот на украинскиот претседател Володимир Зеленски, Олексеј Арестович, рече дека на Украинците треба да им се дозволи да одат каде што сакаат, но препорача да не се евакуираат во Русија.
„Ова е целосно неморална приказна. Тие се граѓани на Украина, треба да имаат право да бидат евакуирани на територијата на Украина“, изјави портпаролот на Зеленски.
На барање на францускиот претседател Еманауел Макрон упатено до рускиот претседател Владимир Путин, руските оружени сили од 10 часот објавуваат прекин на огнот и отворање хуманитарни коридори од Киев, Мариупол, Харков и Сума, соопшти Меѓуресорниот координативен штаб за хуманитарна реакција во Украина.
„Земајќи ја предвид катастрофалната хуманитарна ситуација и нејзиното нагло влошување во градовите Киев, Харков, Сума и Мариупол, како и на лична молба на претседателот на Франција, Емануел Макрон до претседателот на Русија, Владимир Путин, руските оружени сили од хумани причини објавуваат прекин на огнот на 7 март 2022 година од 10 часот, како и отворање хуманитарни коридори“.
Во информацијта уште се додава оти контролата на излегувањето на населението од градовите руските сили ќе го надгледуваат со помош на дронови.
