Официјален Кијив го алармира Израел за нелегалниот извоз на украинско жито, оценувајќи го како дел од воената стратегија на Русија и предупредува дека ваквата трговија не смее да биде дозволена.
Украина официјално го покрена прашањето за руски брод што превезува украдено украинско жито, а на кој му било дозволено да се закотви во израелско пристаниште. Темата била отворена во разговорот меѓу шефот на украинската дипломатија Андриј Сибига и неговиот израелски колега Гидеон Саар.
Сибига остро реагираше на случајот, нагласувајќи:
„Исто така, го привлеков вниманието на руски брод што превезува жито украдено од Украина, на кој му беше дозволено да се закотви во едно од израелските пристаништа. Нагласив дека нелегалниот извоз на украдени украински земјоделски производи е дел од пошироките воени напори на Русија. Таквата нелегална трговија со украдени производи не смее да биде дозволена.“
Овој став е во согласност со долгогодишните предупредувања од Украина дека рускиот агресор систематски ги експлоатира земјоделските ресурси од окупираните територии и ги пласира на меѓународните пазари преку т.н. „сенковита флота“.
Објавата на амбасадорката Лариса Дир ја потврдува координираната дипломатска линија на Кијив – јасно именување на ваквите активности како дел од руската воена и економска агресија, а не како изолиран трговски инцидент.
Шефот на МНР на Украина Андриј Сибига, за време на разговорот со Гидеон Саар, Израел, го покрена прашањето за престојот на брод на рф со украдена украинска агропродукција во пристаниште во Израел. рф систематски ги ограбува привремено окупираните територии, извезувајќи украинско жито преку „сенковита флота“, објави амбасадорката Дир на социјалните мрежи.
Шефот на МНР на🇺🇦 Андриј Сибига, за време на разговорот со Гидеон Саар🇮🇱, го покрена прашањето за престојот на брод на рф со украдена🇺🇦 агропродукција во пристаниште во Израел. рф систематски ги ограбува привремено окупираните територии, извезувајќи🇺🇦 жито преку „сенковита флота“ pic.twitter.com/aXIW7d0nuZ
— Larysa Dir (@dir_larysa) April 15, 2026
Кражбата на жито како инструмент на војната
Според украинските власти, извозот на жито од окупираните региони не е само економски криминал, туку дел од поширока стратегија на војување. Кијив смета дека целото жито од анектираните и окупираните територии претставува незаконски присвоен ресурс.
Украинската страна во разговорот со Израел дополнително потенцирала дека увозот или транзитот на вакви стоки е неприфатлив и претставува кршење на меѓународното право.
Украина очекува од своите меѓународни партнери да не дозволат нивните територии да се користат како канали за трговија со украдени добра. Во овој контекст, Кијив побара од израелските власти внимателно да го разгледаат случајот и да постапат во согласност со меѓународните обврски.
Случајот со бродот во израелско пристаниште повторно ја отвора темата за глобалните рути на нелегално извезено украинско жито, кои, според украински проценки, достигнуваат милиони тони од почетокот на целосната руска инвазија.
Џ. Д.
