Украинските беспилотни летала ги нападнале руските региони Краснодарски крај и Ростовска област ноќта на 25 ноември, таргетирајќи ја клучната воена инфраструктура, објавија локалните власти и новинските канали на Телеграм.
Руски авион наречен „летачка лабораторија“ поради неговата улога во тестирањето на ласерско оружје бил уништен во украинските ноќни напади со беспилотни летала, тврдат украинските медиуми, пренесува TVP World.
Украина започна серија напади врз руската воена инфраструктура во вторникот во регионите Краснадор и Ростов, како дел од долготрајната кампања за деградирање на воените капацитети на Москва.
Еден напад врз Ростов погодил експериментален руски авион А-60 во Таганрог, руски пристанишен град кој се наоѓа на околу 200 км од линијата на фронтот, објави украинската веб-страница Милитарни, повикувајќи се на руските канали на Телеграм.
Фотографија објавена од Милитарни очигледно го покажува авионот, за кој се смета дека е вооружен со ласер дизајниран да уништува авиони и сателити, како гори.
Анализирајќи ги видеата од нападот, воените блогери рекоа дека А-60, кој Милитарниј го нарече „летачка лабораторија за тестирање на ласерско оружје“, е можно целосно да бил уништен.
A Ukrainian 🇺🇦 missile-drone struck a Russian aircraft at Taganrog Air Base, reportedly an A-60 airborne laser laboratory aircraft, only two were built pic.twitter.com/tmT5wkQBRE
— Ukraine Battle Map (@ukraine_map) November 25, 2025
Авионот веројатно се наоѓал во базата на својот градител, компанијата за авиони Бериев.
Сместена на брегот на Азовското Море, компанијата е специјализирана за развој, производство и поправка на амфибиски авиони и системи за авиони со специјална намена, вклучувајќи го и шпионскиот авион А-50.
Фабриката, исто така, врши големи поправки на авиони за авијацијата на руската морнарица и ги модернизира стратешките бомбардери-носачи на ракети Ту-95МСМ.
Руското Министерство за одбрана во вторникот соопшти дека соборило 249 украински беспилотни летала за време на нападот на Киев врз граничните региони Краснодар и Ростов.
Вршителот на должноста гувернер на Ростов рече дека таму загинале најмалку три лица, додека гувернерот на Краснодар, Венијамин Кондратиев, го нарече ноќното бомбардирање „еден од најдолготрајните и масовните напади на киевскиот режим“.
М. Д.
