Украинската жена и во догледно минато се залагала за еднаквите права со мажите. Уште на крај на 19 век во Украина се појавиле многу жени кои можат да се наречат борки за женските права, како на пример писателки Олена Пчилка, Лесја Украинка (чиешто име носи и здружението на Украинците во Северна Македонија, Ољга Кобилјанска, Наталија Кобринска и многу други, кои со својата активна позиција и дејност овозможиле жените да застанат на исто ниво со мажите, вели Тамила Велкоска, претставничка на украинската заедница во Северна Македонија на панелот на ЦИВИЛ „Еднаквост на жените: Длабока хибернација“,како дел од серијата под заеднички наслов „Во фокусот на ЦИВИЛ“.
Велковска се осврна на улогата на жените украинки во политичката сфера во Украина.
Во последните избори жените имаат освоено 21 отсто од местата во Украинскиот парламент (Врховната Рада), и во текот на последните години имаат направено огромни чекори во затворање на родови јазови.
Моментално во владата на Украина жените заземаат 5 министерски места, и тоа во многу стратешки прашања за земјата: Свириденко Јулија – прв вице-премиер – Министер за економија, Верешчук Ирина – Вице-премиер за реинтеграција на привремено окупирани територии на Украина, Стефанишина Ољга – Вице-премиерот за европска и евроатланска интеграција, Лазебна Марина – Министер за социјална политика, Лапутина Јулија – Министер за прашања на ветераните. Јулија Тимошенко беше Премиерот на земјата во 2007-2010 години.
Жените масовно заземаат позиции на сите нивоа на извршната и законодавната власт во земјата, ја претставуваат својата земја како амбасадори, посебно, во Република Северна Македонија многу активна амбасадорка е жена – Наталија Задорожњук.Од 1993 година жените се дел и од украинската војска, но нивната улога и бројност се зголеми кога Русија го анектираше Крим во 2014 година. Поради зголемување на бројност на припадниците на армијата растеше и бројност на борки – жени. На жените им беше дозволени борбени специјалности, вклучително топџии на оклопни возила, снајперисти, пилоти на борбени авиони итн.
Според податоците од 2020 година, повеќе од 30 илјади жени служеле во украинските вооружени сили во тоа време. Тоа е повеќе од 22 отсто. За споредба, во активни вооружени сили на САД жените сочинуваат околу 14 отсто. Поради ескалирање на ситуација во Украина во 2021 година Украина ги обврза жените од мирни специјалности, кои можат да бидат корисни во случај на потреба, да се евидентираат во специјални регрутни центри.
Со оглед на тоа дека Украина е под руска агресија, Велковска посочи дека украинките се клучен дел од борбените сили, но и дека се носечкиот столб на семејствата.
Моменталната војна со Русија им го сменија животот не само на сите жителки на Украина, но и на тие коишто се наоѓаат вон државата. Од почетокот на војната, безброј Украинки од сите сфери доброволно се пријавиле да служат на првите борбени линии. Некои се запишаа во територијална одбрана. Стана вирално видео од 79-годишната Украинка од Мариупол која учи да пука. Илјадници жени во моментов, кога ние со вас разговараме, се борат со непријателот на предната линија, изнесуваат ранети, лекуваат, се грижат за војниците да бидат сити, се грижат за децата во засолништата за време на бомбардирањата, се обидуваат да ги изнесат од опколените градови.
За мене херои не само тие, но и жени кои без оглед на се продолжуваат да
ја вршат својата секојдневна работа, по продавници, комунални служби, транспорт. И Украинките низ целиот свет, кои спијат по 4 часа дневно и прават се што можат од собирање на хуманитарна помош, сместување на бегалци и организирање протести, посочува Велковска.
Првата дама на Украина Олена Зеленска во своето обраќање до Украинките покрај друго им порача: „Нашиот сегашен отпор има особено женско лице. Мојот восхит и поклонување кон вас, неверојатни сонароднички“.
Украинските жени играат централна улога во многу работи, едно е сигурно: нивната силата и храброста не треба да се занемарат. Жените се борат, собират пари за војска, се приклучуваат кон кибер-војската, координираат волонтери, спасуваат луѓе, можам да набројувам уште долго.
Доказ за тоа дека украинската жената без оглед на се не отстапува од својата најприродна и најблагословена улога – улога на жена и мајка – е факт дека само за 13 дена од војната во Украина склучени се 3973 бракови и се родиле 4311 бебиња. Бракови се склучуваат како доказ на храброст и верност на украинските жени, кои сакаат на таков начин да пружат на своите мажи безгранична поддршка.
Денес налетав на една констатација, дека поради војната се испостави дека во Украина не постои понежниот пол. Верувам, дека и жените во Македонија имаат сила да ја докажат својата еднаквост со мажите, но од се срце посакувам никогаш да не бидат принудени да го сторат тоа така како што денес го прават украинските жени!
камера: Дехран Муратов
фотографија: Горан Наумовски
реализација и монтажа: Ариан Мехмети
