„Искреноста и транспарентноста се пресудни“ – една од пораките што ги упати претседателот на ЦИВИЛ, Џабир Дерала, како учесник на Форумот на ИФЕС и ОБСЕ за граѓанските организации и изборите, на кој учествуваа видни претставнички и претставници на релевантни организации и институции, вклучени во изборните процеси.
Мислам дека е многу важно да се следи ритамот на настаните, и во таа смисла, која може да биде релевантна оваа година на одредени избори. Таа веќе може да има големи недостатоци веќе наредната година ако имате изборен процес.
Особено во контекст на македонските случувања, како што знаете, имаме многу турбулентно, динамично општество и процеси, и тука мора цело време внимателно да се следат сите контексти. За тие потоа да можат да се вградат во една опсежна, сеопфатна методолошка материја, која ЦИВИЛ ја гради од 2008 година наваму.
Многу е важно да се биде конзистентен, доследен, искрен, порача Дерала меѓу другото на Форумот.
Д. Т.
Камера: Атанас Петровски
Монтажа: Ариан Мехмети
