Судот во Хамбург ја осуди Урсула Хавербек (95) за негирање на нацистичкиот геноцид во неколку наврати, вклучително и во 2015 година за време на судењето на поранешен чувар на нацистичкиот логор, пренесе ЈахуЊуз.
Озлогласената германска пензионерка позната како „нацистичка баба“, која повеќепати беше затворена поради негирање на холокаустот, беше осудена на нови 16 месеци затвор на нејзиното последно судење во средата.
Како што пренесува ДВ, Урсула Хавербек доби затворска казна од една година и четири месеци за два случаи на поттикнување омраза. И преостанува да одлежи уште една година од казната. Хавербек, која е популарна во десничарските екстремистички кругови во Германија, првично беше осуден на десет месеци затвор од окружниот суд во Хамбург во 2015 година, но таа се жалеше на пресудата. Сепак, судењето се одржа дури девет години подоцна. Сегашната пресуда доаѓа во време „кога антисемитизмот повторно е во пораст во Германија“, рече судијата претседавач. Овие зборови предизвикаа немир кај публиката. Дојдоа околу 100 поддржувачи на Хавербек. Некои огорчено скокнаа, многумина ја критикуваа правната држава, други демонстративно ја напуштија салата.
Reportage du 26 juin,
Ursula Haverbeck retourne en prison pour 16 mois.
Soutien total à cette grande dame et prions pour elle. 🙏 pic.twitter.com/SrZAKkBWWM— Dan King 🧯 (@DanKing161694) June 27, 2024
Хавербек се прикажуваше себеси како жртва. Како жена која со децении ја кажува вистината и поради тоа е прогонувана од државата. Судијата прикажа поинаква слика: 95-годишната не е жртва, туку престапник.
„Сте дочекале длабока старост. На илјадници деца во Аушвиц не им беше дадена таа шанса“, рече судијата.
На 21 април 2015 година на маргините на судењето на припадникот на озлогласениот СС, Оскар Гронинг, Хавербек пред новинарите изјави дека во нацистичкиот логор Аушвиц немало масовно истребување, туку дека тоа бил работен логор. И покрај бројните претходни пресуди, таа во телевизиско интервју за магазинот на НДР „Панорама“ повторно негираше дека во Аушвиц имало масовно убивање на луѓе.
М. Д.
