CivilFest
Categories

ЕКОЛОГИЈА Велика Британија планира да го елиминира пластичниот отпад до 2042 година

Велика Британија планира да го елиминира целиот непотребен пластичен отпад во рок од 25 години, се очекува да соопшти денеска британската премиерка Тереза ​​Мај како дел од долгорочните планови за животната средина.

Владата сака супермаркетите да воведат полици беа пластика, и има намера да инјектирт ново финансирање во иновации во пластика, ќе наведе Меј во говорот во кој ќе бидат презентирани предлозите.

– Во годините што доаѓаат, мислам дека луѓето ќе бидат шокирани од тоа како денес дозволуваме толку многу пластика да се произведува непотребно, ќе наведе денеска Меј.

Еден милион птици и повеќе од 100.000 други морски цицачи и желки секоја година умираат откако изеле или се заплеткале во пластичен отпад. Една од три риби кои се уловени на Англискиот канал содржат делови од пластика.

– Ова навистина е една од најголемите еколошки грижи на нашето време, ќе рече британската премиерка.

Сепак, лидерите на опозицијата и активистите за заштита на животната средина брзо ги осудија предлозите како опасно недоволни укажувајќи дека не може да се чека четврт век за да се елеминира пластичниот отпад. 

извор: МИА


Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.

Одговорноста за редакциското опремување на текстовите (наслов, наднаслов, фотографија, тагови) е на ЦИВИЛ Медиа.

Print Friendly, PDF & Email