Во дел од училиштата во Србија и денеска продолжува прекинот со работа, во знак на поддршка за учениците и поради незадоволство од одлуката на репрезентативните синдикати да постигнат договор со Владата за зголемување на платите.
Од министерството за образование тврдат дека настава се одржува во 96 проценти од српските училишта, додека различни податоци доаѓаат од самите училишта, како и од одредени синдикати, покажуваат дека во повеќе од половина училишта немало настава, до поентата што во некои градови сите училишта ја прекинаа работата, пренесуваат српските медиуми.
Претседателот на Самостојниот синдикат на просветните работници на Србија (НСПРС), Душан Кокот, кој повика на прекин на работата, вели дека состојбата во училиштата е хаотична и се менува од час во час. Има училишта кои ја прекинаа работата, но и такви кои одржуваат скратена настава од 30 минути.
Во дел од училиштата се организираа „одбори за пречек“ на просветните инспектори солеб и сол, но и со поддршка од голем број родители.
Просветните работници кои не одржуваат настава вчера добија предупредување од српскиот претседател Александар Вучиќ, кој од Давос, каде се одржува Светскиот економски форум, порача дека „ќе бидат преземени мерки“.
Вучиќ вели дека нема синдикат кој повикува на штрајк.
-Сите четири репрезентативни синдикати потпишаа договор со Владата. Се што беше побарано е исполнето – рече тој и потсети на зголемувањето на платите за просветните работници.
Тој вели дека има нерепрезентативни синдикати и тие не учествувале во разговорот, ниту се заинтересирани.
– Тоа се политички активисти. Огромното мнозинство училишта денеска работеа. Оние кои одат на целосен прекин на работа знаат дека работат на црно, рече Вучиќ.
Во меѓувреме, три синдикати на Републичкиот геодетски завод (РГЗ) најавија дека во понеделник, на 27 јануари во 12 часот, ќе одржат протест пред седиштето на институцијата на булеварот „Војводе Мишица“ бр. 39 во Белград.
Подготви: Д. Т.
