• Latest

За што се бори Хамас?

October 13, 2023

Објава на Захарова на Телеграм, некритички пренесена во македонски медиум: класичен пример на пропаганда и историски ревизионизам

October 25, 2025

ОН и светските лидери обединети во борбата против сајбер криминалот – потпишана Ханојската конвенција

October 25, 2025

Вториот круг на локалните избори на 2 ноември – во тек пријавувањето на болни, немоќни и набљудувачи

October 25, 2025
Руте: НАТО работи на одржување на стабилноста на Западен Балкан

Руте: Лудата агресија на Путин не успева, поддршката за Украина дава резултати

October 24, 2025
Фото: Скриншот

Макрон: Мора да продолжиме да ја зајакнуваме нашата воена поддршка за Украина

October 24, 2025
Општина Аеродром (фото извор: ФБ профил на Н. С.)

Министерството за здравство со препораки и мерки за состојбата со сметот во Скопје: Да се избегнува физички незаштитен контакт со отпадот

October 24, 2025

(ВИДЕО)🎙САМО НЕШТО ДА ПРАШАМ за расистичката изјава на советникот Темелков за Ромите во Неготино

October 24, 2025
Фото: украинска авбасадорка Лариса Дир / Х

Амбасадорката Дир: Нападите врз Херсон го одзедоа животот на 3 луѓе, уште 22 се повредени – меѓу нив и деца

October 24, 2025
People seeking aid in Gaza
Photo source: screenshot AP

Врховниот суд на ОН го осуди Израел за ограничувањата на помошта за Газа за време на војната

October 24, 2025
Фотомонтажа: D. Mi[ev/CIVIL Media. Фото од wikimedia commons

Лукоил – новите санкции на Трамп и неодговорените прашања на ЦИВИЛ

October 24, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ПОЛИТИКА

За што се бори Хамас?

Молба: Прочитајте без предрасуди и во целост.

October 13, 2023 10:15
in ПОЛИТИКА, СВЕТ, СЛОБОДНА ЗОНА, ТОП 5
Share on FacebookShare on Twitter

ЏАБИР ДЕРАЛА

Следејќи ги јавните реакции на најновиот крвав конфликт во Израел и пропалестинските протести на дел од луѓето и политичките, како во нашата земја, така и на меѓународната сцена, сметам дека е потребно да се разграничат некои основни поими и позиции. Во овој свет на масовни манипулации, многу нешта се сосема поинакви од тоа што се гледа на прв поглед. Ги молам читателките и читателите да го прочитаат овој текст без предрасуди и во целост.

Секој поединец и народ, без оглед на тоа колку изгледаат мали и немоќни, можат да играат важна улога на светската сцена. Злосторниците често се потпираат токму на чувството на малите дека не можат ништо да променат. Затоа, вложуваат огромни средства да ги манипулираат и да ги водат во насока која ним им одговара. Тоа е можно, затоа што ја злоупотребуваат демократијата и отвореноста на општествата, за да ги остварат своите мрачни цели. Тоа не смее да се дозволи.

Војната му оди во прилог на Путин и ја спасува власта на Нетанјаху

Терористичкиот напад што го почна Хамас врз цивилни цели во Израел на 7 октомври, Сабат, на 50-годишнината од Војната на Јом Кипур, претставува голема поддршка за злосторничката клика на Путин и неговата геноцидна војна против Украина. За злосторникот во Кремљ, чии отпечатоци од прстите јасно се гледаат и во оваа војна, сега е извонреден момент за дефокусирање на светската јавност. Хамас на Путин му даде индиректна, но исклучително значајна воена поддршка, односно можност воената и политичката поддршка за Украина да се намали. Воедно, Хамас му даде на Путин и аргументи во жестоката пропаганда и хибридна војна што ја води против Западот.

Хамас му помогна и на ултрадесничарскиот политичар, премиерот Бенјамин Нетанјаху, да ја задржи власта, наспроти силните протести со кои се соочуваше во последно време, поради непопуларните промени во судскиот систем во земјата. Сега, израелските политичари и целото општество се обединети против Хамас.

Дефиниција за Хамас

Нема и не треба да има дилеми за и околу дефиницијата за Хамас. Тоа е терористичка организација според сите дефиниции што може да се најдат било каде во литературата. Впрочем, и самата организација не одрекува дека средствата и методите со кои се служи се својствени на терористичките организации во минатото и сега.

Иако оваа организација тврди дека се бори за слобода и правда за Палестинците, во основа, тоа е терористичка организација, за која светот има аргументи да тврди дека крајна цел ѝ е уништување на израелската нација. Тоа ги прави терористи со идеи и цели кои се геноцидни.

Затоа, важно е да се разбере! Пропалестинските сентименти не треба да се стават во служба на Хамас, а токму тоа и се случува во моментов. Протестите за поддршка на Палестинците и поларизацијата што се предизвикува во општествата, им ставаат моќно оружје на терористите на Хамас и злосторничките режими во Кремљ и Техеран.

И секако не ги поштедуваат животите на цивилите во оваа брутална војна која само во првите шест дена однесе илјадници животи и разурна огромен број домови и семејства.

Почнување на однапред изгубена војна и жртвување на сопствениот народ

Чудовишно е, без оглед на „високите цели“ во кои лидерите на Хамас тврдат дека веруваат, да почнуваат војна за која се целосно свесни дека ќе ја изгубат и тоа по крвава цена на животите на цивилите во чие име се декларираат дека се борат.

Хамас, буквално на тацна, ги става животите на Палестинците, користејќи ги како влог во крвавата игра – влог кој не го поседуваат и за кој не ги овластил никој, а никој и не може да ги овласти за такво нешто.

Ужасни и трогателни се сцените од бруталното уништување на човечките животи – на двете страни. Но, барем за момент, мора да се задржиме на студените височини на Разумот и да се обидеме да му дадеме предност во спасувањето на тоа што сѐ уште може да се спаси.

Спротивно на исламот

Тоа што го прави Хамас не е во согласност со исламот, ниту е во согласност со било какви вредности и принципи на борба за слобода и човекови права.

Муслиманскиот свет, вклучително и Палестинците, имаат човечка обврска да ги осудат и да ги отфрлат Хамас и сите други терористи кои живеат врз грбот на Палестинците или било кој друг народ во светот. Тероризмот не може и не смее да се оправда со ништо.

Никој не спори дека човековите права на Палестинците се загрозени и дека нема неправди извршени кон граѓанките и граѓаните на Појасот Газа или на други места во кои живеат Палестинците. Но тероризмот не е одговор, туку е директен и брутален напад против човечкиот живот и човековите права. Не можете да се борите за човекови права со загрозување на други човекови права, барем тоа е јасно.

Светот посведочи на еден нечовечен и брутален напад против цивилите на Израел, но тоа истовремено беше напад врз мирот и напад врз интересите и стремежите на самите Палестинци.

Итно е: Мир, заштита на цивилите, хуманитарна помош

Три работи се исклучително важни во овој момент, тежок за Израелците и за Палестинците, но и за целиот свет. Мора да се избегнат бесплодни прашања и дискусии за историјата на овој конфликт, туку да се дејствува брзо, за да се спасат човечки животи.

Прво и најважно е овој конфликт да престане. Хамас мора да биде поразен и да се соочи со одговорноста и последиците од бруталниот терористички напад со кој ја започнаа војната. Веднаш да ги ослободи заложниците и да се предаде на институциите на правдата. Сè додека не се случи тоа, војната ќе продолжи и ќе му донесе неизмерни страдања на цивилното население насекаде во Израел и на Блискиот Исток.

Второ, израелската држава мора да поведе сметка за цивилното население и да најде решенија со кои воените операции нема да предизвикуваат разурнување и смрт на цивилите. Хамас кукавички се крие зад цивилите и во лавиринтот од подземни тунели под цивилните објекти, но мора да се вложат напори секогаш и секаде каде што е можно да се поштеди човечки живот.

Хуманитарната помош за настраданите цивили во овој конфликт мора да се обезбеди веднаш и без селекција, за сите цивили во оваа трагична војна. Палестинците мора да сфатат дека Хамас не само што не им носи ништо добро, туку дека дејствува против нивниот живот и слободата.

Што не треба да дозволат разумните луѓе?

Да заклучиме. Хамас изврши брутален терористички акт и ја почна војната, жртвувајќи го сопствениот народ. Истовремено, Путин доби воена и пропагандна поддршка од Хамас. Хамас му го продолжи политичкиот рок на траење на Нетанјаху. Многу е веројатно дека Русија, Иран и нивните сојузници директно и непосредно го помагале Хамас да го спроведе терористичкиот напад.

Разумните луѓе не смеат да дозволат нивното сочувство со онеправданите луѓе да им даде оружје во рацете на терористи и воени злосторници.

Поздрав од судениот остров на Разумот!


Текстот е личен став на Авторот.
Насловни фотографии:
(лево) By היידן - Own work, CC BY-SA 4.0, https://commons.wikimedia.org/w/index.php?curid=138569283
(десно) By Palestinian News & Information Agency (Wafa) in contract with APAimages, CC BY-SA 3.0, https://commons.wikimedia.org/w/index.php?curid=138773940
Print Friendly, PDF & Email
Tags: војнаИзраелманипулацииРусијаУкраинаХамас
Share33Tweet21Send

НАЈЧИТАНИ 5

  • EУ испрати порака, Мицкоски молчи – Андонов со жестока критика

    185 shares
    Share 74 Tweet 46
  • Поранешен унгарски разузнавач по неодржувањето на средбата помеѓу Трамп и Путин: Она што сега изгледа како дипломатски успех, на долг рок ќе се претвори во сериозна трагедија

    130 shares
    Share 52 Tweet 33
  • „На Ѓупците треба да им се забрани да гласаат“ – советник од десничарската МААК со скандалозен расистички испад во Неготино

    125 shares
    Share 50 Tweet 31
  • „Путин повторно го изигра“: Откажувањето на самитот во Будимпешта ја завршува фантазијата на Трамп дека ќе донесе мир во Украина

    101 shares
    Share 40 Tweet 25
  • Разобличување на „буразерската“ финансиска коалиција: Алта банка и „посвоената“ Стопанска банка – Битола во обид да го избегнат европскиот финансиски радар

    99 shares
    Share 40 Tweet 25
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ