Знаеме како изгледа пропагандата, знаеме што се притисоци, закани и валкана кампања, и како изгледаат. Но денес, со вештачката интелигенција, оваа хибридна лабораторија оди глобално, уште помоќна и поопасна. Денес, дезинформацијата е оружје, повеќе не е само врева. Многу години луѓето ги сфаќаа дезинформациите само како врева во јавната сфера, нешто вознемирувачки, но не толку егзистенцијално. Мислам дека сите правиме грешка додека ги сфаќаме дезинформациите на тој начин, истакна Марјан Забрчанец, специјалист за комуникации; поранешен директор за владини комуникации (Северна Македонија) на панелот „ВИ, дезинформации и пост-вистинскиот / пост-срамниот свет“.
Марјан Забрчанец е експерт за стратешки комуникации со долгогодишно искуство во јавна комуникација, управување со кризи и иницијативи за борба против дезинформации. Претходно работел како директор за владини комуникации, каде што координирал национални кампањи, дигитален досег и системи за јавно информирање. Активен е во медиумските иницијативи и демократијата низ целиот Западен Балкан, фокусирајќи се на борба против дезинформациите, зајакнување на граѓанскиот ангажман и промовирање транспарентна јавна комуникација.
М. Д.
