ВЕСТ НА ДЕНОТ
Завршува објаснувачкиот скрининг со ЕУ за кластерот „Темели“
Во Брисел денеска ќе се одржи состанок за Поглавјето 23 „Правосудство и фундаментални права“, со кој завршуваат објаснувачките скрининг состаноци за Кластер 1, „Темели“. Објаснувачкиот скрининг состанок за Поглавје 23, „Правосудство и фундаментални права“, од Кластерот „Темели“, го одржуваме во вистинско време, бидејќи ќе ни даде насока за правилно да ги планираме идните активности и реформите во правосудството, изјави вицепремиерот за европски прашања Бојан Маричиќ на состанокот во Брисел.
ИЗЈАВА НА ДЕНОТ
ВОЈНА ВО УКРАИНА
Заменикот на Кримскиот муфтија, Сулејман Хајрулаев упати апел до муслиманите на Крим и до сите муслимани во Русија, кои се соочени со мобилизација да најдат начин да ја избегнат регрутацијата по секоја цена.
Најдете различни начини да се предадете,но ако не можете да го направите ова, тогаш знам каде треба да пукате. И мислам дека и вие разбирате .
*
Кога ќе се испишува историјата на војната во Украина, Валериј Залужни веројатно ќе заземе истакната улога, пишува TIME во сторијата за украинскиот генерал Валериј Залужни, Врховен командант на вооружените сили на Украина.
„Залужни се појави како воен ум кој и требаше на неговата земја“, напиша американскиот генерал Марк Мили во TIME за неговиот колега минатиот мај. „Неговото раководство им овозможи на украинските вооружени сили брзо да се прилагодат со иницијативата на бојното поле против Русите.
РЕГИОН
Американскиот амбасадор Кристофер Хил денеска изјави дека го видел Планот за консултации што го потпишаа министрите за надворешни работи на Србија и на Русија, Никола Селаковиќ и Сергеј Лавров и дека во него нема ништо посебно, туку дека Русија сака да ја оправда војната во Украина.
„Го видов планот, нема многу во него. Прашање е зошто Русија го сакаше тоа и очигледно е дека Русија сакаше план за да ја оправда својата војна во Украина. Однесувањето на Русија беше осудено од сите во САД, во Индија, дури и Кина ги критикуваше. Никој не ги поддржува во тој напор. Прашање е зошто би добиле потврда од кој било за тоа што му го направиле на својот сосед“, рече Хил.
ФЛЕШ ВЕСТИ
ГОВОР НА ОМРАЗА МНР упатува јавна реакција и осуда за вчерашниот израз на говорот на омраза што можеше да забележи во текот на фудбалскиот натпревар меѓу репрезентациите на Северна Македонија и Бугарија.
ДИПЛОМАТИЈА Ангела Агелар, на церемонија во Стејт департментот, положи заклетва како нова амбасадорка на САД во Република Северна Македонија, објави на фејсбук Американската амбасада во Скопје.
КОНФЕРЕНЦИЈА Младите не треба да ги задржуваме, туку да им дадеме крилја, да создадеме можности што ќе им овозможат да го достигнат својот целосен потенцијал во сопствената земја, но во исто време ќе ги направи доволно конкурентни за светот, порача денеска вицепремиерот задолжен за економски прашања, координација на економските ресори и инвестиции, Фатмир Битиќи.
ТРУД И СОЦИЈАЛА Не треба да се плашат ниту родителите, ниту општините дека може да се доведе во случај да нема парно во градинките. Парно ќе има и за граѓаните и за градинките, бидејќи Владата е одговорна, се грижиме за граѓаните и ја менаџираме енергетската криза, изјави министерката за труд и социјална политика, Јованка Тренчевска.
ПРЕТСЕДАВАЊЕ Министерот за надворешни работи Бујар Османи, денеска во Собранието, ги претстави приоритетите на претседавањето на Република Северна Македонија со Организацијата за безбедност и соработка во Европа (ОБСЕ) во 2023 година.
ИСТРАЖУВАЊЕ Порталот за информатичка технологија, IT.mk, го реализираше второто истражување за мапирање на локалната ИТ индустрија и резултатите даваат интересна слика за една од најлукративните индустрии во моментов.
ЕНЕРГЕТСКА КРИЗА Владата има многу јасен план за справување со енергетската криза, а тоа е ставање во функција на сите енергетски капацитети – оспособување на Блок 3 во РЕК Битола, ставање во функција на ТЕЦ Осломеј, а од утрово во функција е ставен првиот котел на ТЕЦ Неготино, изјави денеска во Скопје премиерот Димитар Ковачевски.
ДИСТРИКТ
Ретро ДИСТРИКТ 13: Љупчо Арсовски, Искра Јанковска Михајловска, Тефик Махмут, Аниса Ејуп Беќировиќ, Сеад Ризвановиќ
Целите интервјуа гледајте ги на линковите:
Љупчо Арсовски: https://civilmedia.mk/arsovski-diplomatijata-ne-e-semokna-pa-sepak-na-krajot-sekoe-reshenie-zavrshuva-kako-diplomatsko-reshenie/
Искра Јанковска Михајловска: https://civilmedia.mk/jankovska-mihajlovska-za-da-bideme-normalno-opshtestvo-treba-sekoj-da-si-ja-raboti-svojata-rabota-politicharite-politikata-arhitektite-arhitekturata/
Тефик Махмут: https://civilmedia.mk/mahmut-romskata-zaednitsa-vo-severna-makedonija-e-diskriminirana-borbata-za-ednakvost-doprva-pochnuva/
Аниса Ејуп Беќировиќ: https://civilmedia.mk/bekirovik-autist-e-ama-imeto-na-mojot-sin-e-adam/
Сеад Ризвановиќ: https://civilmedia.mk/rizvanovik-vo-sekoja-varijanta-na-voeniot-rasplet-gubitnikot-ke-e-rusija/
СЛОБОДНА ЗОНА
Хронологијата на случувањата недвосмислено потсетува на владеењето и падот на еден балкански диктатор, кој истовремено беше и близок соработник и поддржувач на Путин, поранешниот српски претседател, Слободан Милошевиќ. Големи се сличностите во практицирањето на власта помеѓу овие двајца автократи. Владеењето на Милошевиќ политичките теоретичари, научници и аналитичари го опишуваат како авторитарно или автократско, клептократско, со бројни обвинувања за изборна измама, политички убиства, сузбивање на слободата на медиумите и полициска бруталност, исто како Путиновото владеење денес, пишува Драган Мишев во анализата „ Дали е ова почеток на крајот, го чека ли Владимир Путин судбината на Милошевиќ?“
Д.Мишев