Женскиот институт (The Women’s Institute) повеќе нема да прифаќа трансродови жени како членови од април по пресудата на Врховниот суд на Велика Британија за законската дефиниција на жена, открива Гардијан.
Мелиса Грин, извршна директорка на Националната федерација на женски институти, изјави дека организацијата ја донела одлуката со „крајно жалење и тага“, додавајќи дека „нема друг избор“ освен да ги исклучи трансродовите жени од своето членство.
„Неверојатно тажно, ќе мора да го ограничиме нашето членство врз основа на биолошкиот пол од април следната година“, рече Грин. „Но, пораката што навистина сакаме да ја пренесеме е дека останува наше цврсто верување дека трансродовите жени се жени и тоа не се менува.“
Членството во 110-годишната организација ќе биде ограничено на оние кои се регистрирани жени по раѓање, а од новите членови или оние што го обновуваат членството се очекува да потврдат дека ги исполнуваат критериумите.
Ова доаѓа еден ден откако „Герлгуајдинг“ објави дека транс девојките повеќе нема да можат да се приклучат на организацијата, велејќи дека ја донеле одлуката откако побарале правен совет како резултат на одлуката на Врховниот суд.
Во април оваа година, Врховниот суд донесе историска и дефинитивна пресуда дека термините „жена“ и „пол“ во Законот за еднаквост се однесуваат само на биолошка жена и на биолошки пол. Владата сè уште разгледува упатства од Комисијата за еднаквост и човекови права (ЕЕЧК) за тоа како да ја примени одлуката.
М. Д.
