• Latest

Зоран Заев за работата на неговата фондација: Во 2023 година да продолжиме да даваме поддршка секому, еден спасен живот – спасен цел свет

December 30, 2022
Еврокомесарката за проширување Марта Кос (photo: EC - Audiovisual Service)

Скандал: Српска националистичка песна на ЕУ форумот за проширување – што се случи?

November 17, 2026
Роботика во практична демонстрација: Прецизно ракување со предмети. (Извор: Google / Gemini, screenshot)

Вештачката интелигенција и роботиката: Светот отвора нови технолошки хоризонти

November 17, 2026

Црно Море: Потона товарен брод во бугарската економска зона, сомнежи за напад со морски дронови

November 17, 2026
Кијив, 17 ноември 2026 (ДСНС)

Руски ракетен напад врз два моста во Кијив – Украина бара прекин на огнот во Црното Море

November 17, 2026

Прва трилатерална средба на Џинпинг, Трамп и Путин во Шенжен

November 17, 2026

Прашање на денот: Насилството врз жените не смее да остане само вест! Што мора да се преземе?

November 17, 2026
Парламент на Србија (wikipedia)

Почнува смената на власта во Србија: Конститутивна седница на Народното собрание

November 17, 2026

ЕУ со нови санкции против руски банки, енергетски компании и мрежите за дезинформации

November 17, 2026

Мислете му ја!

November 17, 2026
фото извор: Алта банка

АЛТА БАНКА: Кредити од 1,6 милиони евра и можен судир на интереси

November 16, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home ЧОВЕКОВИ ПРАВА

Зоран Заев за работата на неговата фондација: Во 2023 година да продолжиме да даваме поддршка секому, еден спасен живот – спасен цел свет

December 30, 2022 23:08
in МЕЃУЕТНИЧКИ ОДНОСИ, ОПШТЕСТВО, ТОП 5, ЧОВЕКОВИ ПРАВА
Share on FacebookShare on Twitter

Завршуваме година во која доминираа моментите посветени на животот, на солидарноста, на хуманоста, на сегашноста и иднината, напиша Зоран Заев на социјалните мрежи и повика на хуманост и солидарност меѓу луѓето.

„Потсетувајќи на сѐ што сме постигнале во минатото, повикувам да ги искористиме празничните денови и да дадеме уште поголемо значење на вредностите кои носат радост. Повикувам да помагаме, да направиме сѐ што можеме да им биде подобро на луѓето околу нас, без разлика дали ги познаваме или не“ – напиша поранешниот премиер.

Целта на Фондацијата Заев е да ги направи општествата поубави места за живеење. Заев напиша дека неговата фондација, преку низа предновогодишни активности, но и преку целата година, подава рака и дава директна помош на различни индивидуи, групи, заедници и институции.

„Покрај директната помош на ранливите категории и на институциите кои им помагаат на граѓаните, преку серија активности, настани и конференции, ги поддржавме политиките на регионална соработка, соживот, мир, добрососедство и демократски развој, како и промоцијата на македонскиот јазик дома, но и насекаде низ светот“ – пишува Заев.

Освен како политичар, лидер и државник, Зоран Заев отсекогаш го следи имиџот на хуманист и филантроп. Тој е познат како борец за човекови права и слободи и надвор од границите на нашата земја, како во регионот, така и во Европа. Меѓународната награда за човекови права за 2020 година во Берлин е само една од многубројните меѓународни награди и признанија што ги доби Зоран Заев во изминатите години.

Фондацијата Заев беше извонредно активна од првиот ден на основањето.

„Во 2023 година да продолжиме да даваме поддршка секому. Еден спасен живот – спасен цел свет. Една насмевка повеќе – радост за цел свет“ – пишува Заев.

Зоран Заев наброја дел од активностите на Фондацијата “Заев – едно општество за сите” во 2022 година.

– Обезбедивме апарат за реанимација на новороденчиња за Клиниката по гинекологија и акушерство во Скопје, апарат кој досега не постоеше на Клиниката а со кој се спасуваат животи на новороденчиња, особено оние кои се родени пред време.

– Дониравме апарат за дијагностика од областа на урологијата во струмичката болница.

– Поделивме пакетчиња за деца на улица, деца на самохрани родители, деца без лична документација и деца на бездомни родители во ромските маала од скопските општини: Шуто Оризари, Аеродром (Керамидница), Гази Баба (Кванташки пазар), Карпош (Момин поток), Бутел (Визбегово) и Маџари (Рамка), во соработка со невладината Амбрела.

– Овозможивме екскурзија и посета на Крушево за децата корисници на социјални услуги од групните домови при јавните установи „11 Октомври“ и „25 Мај“ во соработка со Министерството за труд и социјална политика.

– Ги поддржавме спортските новинари од регионот да ја продолжат својата мисија за соработка и промоција на мирот преку спортски активности.

– Доделивме вредносни ваучери за директна помош на 150 семејства од социјално ранливи категории.

– Обезбедивме перики за жените борки кои се справуваат со ракот на дојка и заедно со нив упативме порака за навремени прегледи со цел рана превенција на ракот и со тоа создавање можност сечиj живот да победи и продолжи понатаму.

– Помогнавме социјални активности на 350 деца од установата „Детска радост“ – Струмица, во рамки на одбележувањето на Неделата на детето.

– Дониравме спортски реквизити на Здружението на пензионери – Струмица.

– Го поддржавме ликовниот хепенинг по повод Денот на мирот организиран од учениците и менторите од училиштата од Струмица, Ново Село, Босилово и Василевово, во соработка со Дом за деца и млади “Благој Мучето“ од Струмица.

– Го поддржавме театарскиот проект “Сам против сите” чија тема е борбата против анксиозноста и депресијата.

– Дониравме помош за семејствата на четири куќи од Прилеп кои беа опожарени од удар на гром, во соработка со СОС Детско село.

– Ги поддржавме со донација Амир Дестанов од „Дневниот центар за деца на улица“ и ученик во ООУ „Браќа Рамиз и Хамид“ во Шуто Оризари и младиот генијалец Македон Димитровски, ученик во ОУ „Лирија“ во Тетово, честитајќи им го Меѓународниот ден на младите.

– Испративме 20 тони македонска хуманитарна помош за војската и за цивилното население кое ја брани својата сувереност во Украина.


Извор: CivilMedia | Дозволено е преземање на текстот според лиценцата Creative Commons 4.0.
Tags: филантропијаФондација Заевхуманитарни акции
ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ