„Станови за бегалци, ниту ќе се градат, ниту се градат во моментов, никаде на цела територија на Македонија! Неколку пати во медиумите кажав, тоа е лага! ВМРО-ДПМНЕ пласираат лажни вести, со цел јавноста да ја изманипулираат пред локалните избори“, порача Мила Царовска, министерка за труд и социјална политика, одговарајќи на прашање на ЦИВИЛ Медиа, „Дали во с. Удово, како што се шират гласини меѓу прилепчани, ќе се отворат бегалски кампови, ќе се вработат околу 500 хигиеничари и околу 1000 лица за обезбедување?“
„Референдум е демократска алатка која што и јас и Владата ја поддржуваме, демократијата е нешто основно што треба да го почитуваме ние како Влада, но и сите граѓани на Република Македонија. Затоа апелираме референдум да се распишува внимателно, и ако се распише тоа не смее да биде на денот на избори, мора да биде после избори. Зашто веројатно треба да се свесни дека и во Законот за избори, но и во Законот за спречување на корупција, стои дека средства што не се планирани во буџетот, не смее да се лоцираат во овој период, ние сме веќе во избори. Што значи, тоа може да го направат после изборите, но внимателно треба да се трошат парите на граѓаните. Ако се потрошат 100.000 евра за референдум за лажно прашање, потенцирам, тоа е лага која што постои само во главата на Груевски и неговата банда, никаде на друго место. Поради тоа што тие се исплашени, локалните избори ќе ги изгубат во најголем дел од општините“, категорична е министерката Царовска.
Моника Талеска
Камера: Атанас Петровски
