ВЕСТ НА ДЕНОТ
Разрешени и избрани нови членови на општински изборни комисии за Локалните избори 2025
Државната изборна комисија (ДИК) денеска на седница изврши разрешување и случаен избор на нови претседатели и заменици претседатели, членови и заменици членови во неколку општински изборни комисии…
ИЗЈАВА НА ДЕНОТ
Германија нема да им се придружи на партнери како Канада и Франција во признавањето на палестинската држава, изјави канцеларот Фридрих Мерц денеска по средбата со канадскиот премиер Марк Карни.
-Ние нема да се придружиме на оваа иницијатива, рече Мерц на заедничката прес-конференција со Карни во Берлин, додавајќи дека „не сметаме дека условите за признавање на државата се исполнети на кој било начин во моментов“, пренесе германската агенција.
Германија смета дека признавањето на палестинската држава е меѓу последните чекори во решението за две држави во кое Израелците и Палестинците можат да живеат мирно еден покрај друг.
РЕГИОН
Димал Баша избран за претседател на косовското Собрание по повеќе од четири месеци и 58 обиди
Димал Баша, пратеник од Движењето Самоопределување, денеска е избран за нов претседател на Собранието на Косово. Изборот се случи на 58. продолжение на конститутивната седница, со 73 гласа „за“, 30 „против“ и тројца воздржани, по повеќе од четири месеци институционална криза и неколку неуспешни обиди за избор на собраниски спикер…
СВЕТ
Украина онеспособила најмалку 17% од капацитетот на рафинериите за нафта во Русија
Палестинските фракции почнаа да предаваат дел од оружјето што се чува во бегалскиот камп на периферијата на Бејрут на либанската армија во четврток, што е почетен чекор во спроведувањето на планот што официјалните лица го објавија три месеци претходно за отстранување на оружјето од камповите…
ЦИВИЛНИ АКТИВНОСТИ
Во тек е повикот на ЦИВИЛ за краткорочни или долгорочни изборни набљудувачи
Во тек е повикот на ЦИВИЛ за краткорочни или долгорочни изборни набљудувачи. Крајниот рок за пријавување е 15 септември, 17 часот.
Лицата ангажирани во изборната администрација, други мониторинг мисии, функционери и активисти на политички партии и кандидати – немаат право на учество на повикот на ЦИВИЛ.
ЛИНК ДО АПЛИКАЦИЈА ЗА КРАТКОРОЧНИ НАБЉУДУВАЧИ
ЛИНК ДО АПЛИКАЦИЈА ЗА ДОЛГОРОЧНИ НАБЉУДУВАЧИ
АНАЛИЗИ
Одамна е познато дека едно од најсилните оружја на руската воена машинерија се дезинформациите и пропагандата. Тие се покажаа како смртоносни и разорни, преминувајќи граници и култури и нанесувајќи штета на цивилното население без бомби и куршуми. Во оваа војна се користат софистицирани алатки – од слики генерирани со вештачка интелигенција, до фабрикувани содржини и лажни наративи. Често овие конструкции се препакувани во локални приказни за да добијат на убедливост и влијание.
Овој извештај е само еден од безбројните примери за тоа како функционира руската пропаганда, пишува Џабир Дерала, во соработка со Тимот на ЦИВИЛ за мониторинг на хибридните закани (ЦХТМ) во анализата „РАЗОБЛИЧУВАЊЕ НА ПРОПАГАНДАТА: Лажна фотографија од Запорижја – стар наратив, нова манипулација.“
СЛОБОДНА ЗОНА
ЛНо, предложените владини мерки за надминување на проблемот се толку слични што ми изгледа како да се координираат министрите или барем разменуваат мислења околу нив. Закон за нефер трговски практики, листа на производи каде ќе се замрзнат маржите. Алчноста на банките и големите трговски синџири е темата за која се дебатира и во Белград и во Сараево и во Загреб. Кај нас владата како да се исплаши од решенијата што и стојат на располагање па се врти во круг околу потрошувачката кошница и цените на училишните прибори, пишува Војо Маневски во колумната „Зимницата и тетратките бараат нови политики.“
Подготви: Д. Мишев
