ВЕСТ НА ДЕНОТ
Предлози во Собранието за една изборна единица
Откако на собраниската седница за пратенички прашања во четвртокот премиерот Христијан Мицкоски ја повика опозицијата да поддржи измени на Изборниот законик за една изборна единица, но и да се озвозможи и дијаспората да гласа, Либерално-демократската партија и Демократскиот сојуз денеска во Собранието поднесоа свои предлози за измени на Изборниот законик со цел воведување на една изборна единица. Поддршка за една изборна единица дадоа и ТПХ и ДОМ. ДУИ, исто така, подржува една изборна единици, но со отворени листи.
ИЗЈАВА НА ДЕНОТ
Мицкоски: Очекувам да бидеме во првите пет економии во Европа во првиот квартал од оваа година
РЕГИОН
Нова рунда преговори Белград-Приштина во Брисел
Во Брисел денеска и утре ќе се одржи нова рудна преговори во рамки на дијалогот Белград-Приштина, што се води со посредство на ЕУ, на ниво на главни преговарачи, информира денеска портпаролот на Европската комисија за надворешни работи и безбедносна политика Ануар ел Ануни.
СВЕТ
Првите сателитски снимки од уништените руски бомбардери по нападот на украински дронови
Се појавија првите сателитски снимки кои ги покажуваат последиците од големиот украински напад со беспилотни летала врз руската воздухопловна база Белаја во Иркутската област, откривајќи значителна штета на московската флота стратешки бомбардери, објави консултантот за геопросторна разузнавање Крис Бигерс на X на 2 јуни. Нападот беше дел од координирана операција на Безбедносната служба на Украина (SBU) насочена кон повеќе руски воени аеродроми.
АЛ ПРЕС
Редакциски избор од албански медиуми: Договорот помеѓу Албанија и Грција за Јонското море повторно на маса; Пензискиот договор со Италија ги гарантира правата на околу 500 илјади албански граѓани; Не успеа ниту 25-от обид з конституирање на косовското собрание.
ПРАШАЊЕ НА ДЕНОТ: Што мислите за проектите Коридор 8 и 10?
АНАЛИЗИ
„Со секоја наредна година опаѓа моќта на ова општество, одговорните субјекти да се соочат со проекти кои бараат фараонска мотивација. Впрочем, ние сме дел од систем што со месеци не може да поправи едно селско мовче на најфреквентната постојна пруга. Оваа власт е магнетски привлечена од парите што може да дојдат, а не од мотивацијата за крајниот производ на проектите што треба да се почнат но и – завршат“, пишува Љубомир Костовски во неговата анализа „КОРИДОРИ: Експресните возови и црвениот сигнал на неефикасноста“.
ФОРУМ
СЛОБОДНА ЗОНА
„Све је исто само њега нема. Или, како што кажал философот Хераклит, „ Се тече, се се менува“… само мегаломанските ветувања на ВМРО- ДПМНЕ се константа. Како и игнорирањето на стратешкиот интерес на Северна МАкедонија да стане полноправна членка на ЕУ. Можеби тука можев да ја употребам и познатата изреката на Ајнштајн за универумот и човечката глупост, но ќе ја оставам за понатаму, секако ќе има уште доста прилики“, пишува Драган Мишев во „Све је исто, само њега нема“ – Мицкоски ја презема „штафетата“ од Груевски“.
Подготви: Б. Јордановска
