ДРАГАН МИШЕВ
Како премиер во 2009 година, Никола Груевски најави амбициозна инвестициска програма од 8 милијарди евра. Толку пари во наредните седум години требаше да бидат вложени за изградба на рудници, термо и хидроцентрали, гасификација, патишта, пруги, социјални станови, нуклеарни истражувања.
Во март 2012, Груевски во Мумбај презентирајќи ги инвестициските можности на Македонија пред индиските бизнисмени порача дека владата сака да ја пренесе приказната за македонската економија, која се искачи на третото место на најдобрите реформски ориентирани земји во светот во однос на условите за водење бизнис.
Во мај,2015 година, Груевски во обраќањето на отворањето на фабриката на „Антхура Интернатионал БВ“ во Кочани, истакна дека Македонија со раст на БДП од 3,8 проценти во 2015 година, односно 3,9 отсто идната година ќе биде прва во цела Европа според аналитичарите на ЕК.
Така говореше Груевски од позиција на премиер додека ја „мавтосуваше“ Европа дека земјата под негово водство ќе го следи проевропскиот курс и ќе ги спроведе реформите и уставните промени потребни за почнување на преговорите за членство во ЕУ и НАТО.
10 години подоцна, неговиот наследник во претседателската фотеља во ВМРО ДПМНЕ и сегашен премиер, Христијан Мицкоски денеска на одбележувањето 80 години постоење на Завод за статистика, во однос на очекувањата за растот на БДП споредено со другите земји од Европа, малку поскромни прогнози од неговиот ментор ќе изјави:
„Па јас тоа го кажувам изминатиов период и очекувам конечно и првиот квартал од оваа година да покаже едно консолидирање, да бидеме во првите пет-шест, би рекол економии во Европа.
.Малку поскромен беше и во броењето милијарди, па наспроти груевите 8 милијарди, Мицкоски најави инвестициски бран од 6 милијарди евра, и секако повторно за изградба на пруги, локални, регионални и експресни патишта, болници, ски центри. Најавуваше и една милијарда од Унгарија, доби пола од тоа. И сето тоа во вид на заеми, кредити, што допрва ќе треба да се враќаат.
Све је исто само њега нема. Или, како што кажал философот Хераклит, „ Се тече, се се менува“… само мегаломанските ветувања на ВМРО- ДПМНЕ се константа. Како и игнорирањето на стратешкиот интерес на Северна МАкедонија да стане полноправна членка на ЕУ.
Можеби тука можев да ја употребам и познатата изреката на Ајнштајн за универумот и човечката глупост, но ќе ја оставам за понатаму, секако ќе има уште доста прилики.
