ТЕМА НА ДЕНОТ
Голем дел од Западна Европа го одбележува Денот на победата во Европа (VE Day) на 8 мај, но безусловната воена капитулација што ја заврши Втората светска војна во Европа всушност беше потпишана ден претходно, во 2:41 часот наутро на седми мај, во Ремс, источна Франција.
Германија, за првпат, ќе го прогласи овој ден за државен празник, додека во Обединетото Кралство годишнината ќе се одбележи со богослужба во Вестминстерската опатија во Лондон, што ќе започне со национално двеминутно молчење. Комеморациите се одвиваат во контекст на војната во Украина, зголемувањето на трошоците за одбрана и промените во надворешната политика на САД.
Украинскиот претседателот Володимир Зеленски упати повик до сојузниците да се обединат во борбата против руската инвазија на Украина, додека Европа слави 80 години од поразот на нацистичка Германија во Втората светска војна.
„Токму како пред 80 години, кога на сите конечно им стана јасно: злото не може да се смири. Мора да се бори. Заедно. Решително. Со сила. Со притисок“, изјави Зеленски.
Британскиот премиер Кир Стармер, по тој повод, пак, изјави дека „линиите на фронтот во Украина“ сега претставуваат „прва линија на одбрана на западните вредности“.
ИЗЈАВА НА ДЕНОТ
Штајнмаер: Со воената агресија на Путин, болно е да се признае дека ослободителите на Аушвиц станале новите агресори
„Воената агресија на Путин, неговата кампања против слободна, демократска земја, нема ништо заедничко со борбата против национал-социјалистичката тиранија во Втората светска војна. Со своите „историски лаги“, Путин го „пере империјалното безумие, тешката неправда и најтешките злосторства.“, изјави германскиот претседател Франк-Валтер Штајнмаер, за време на „Часот на сеќавање“ во Бундестагот по повод 80-годишнината од крајот на војната.
РЕГИОН
Дали заминувањето на Вучиќ во Москва е крај на европските интеграции?
Со одењето во Москва за да го прослави Денот на победата, Александар Вучиќ, претседателот на Србија, „му фрли ракавица на Брисел“, и покрај предупредувањата што доаѓаа оттаму во последните денови дека таков потег може да има своја цена. Тоа значи дека тоа може да значи прекин на преговорите на Србија за интеграција со ЕУ,
СВЕТ
Во израелските напади врз ресторан и пазар во Газа убиени најмалку 33 Палестинци, десетици ранети
Најмалку 33 Палестинци се убиени, а десетици се ранети во два израелски напади врз преполн ресторан и пазар на истата улица во градот Газа, соопштија медицински лица и Министерството за здравство управувано од Хамас.
ФОРУМ
Одбрана на демократијата, препораки и политики: Градење меѓуполитички и општествени сојузи
Mеѓународната конференција „Одбрана на демократијата и човековите права во услови на војна, национализам и авторитаризам“ и тимовите на партнерските организации кои ја спроведоа иницијативата ги претставуваат овие препораки врз основа на водечките премиси кои вклучуваат:
Обнова на политичката култура;Зајакнување на демократските институции ; Спротивставување на авторитарните и крајно десничарските тенденции; Зајакнување и заштита на независните медиуми и граѓанското општество ; Обнова и зајакнување на меѓународните сојузи ;Развивање и застапување на стратегии за решително запирање на агресивната војна на Русија против Украина; Развивање и застапување на стратегии за ставање крај на конфликтите во други погодени региони.
ПРАШАЊЕ НА ДЕНОТ: Дали се чувствувате како Европјани?
СЛОБОДНА ЗОНА
„Дали, откако Апасиев отиде на „баци-рака“ кај Путин, нашата земја од „непријателска“ ќе стане „пријателска“ за Русија? Или ова е само уште еден пропаганден потег во корист на режимот во Москва и исполнување на очекувањата на руските инсталации во земјата и шефот во Москва?“, во анализата од Дехран Муратов во соработка со ЦМДТ „Парадата на победата во Москва ги разобличува руските инсталации“.
Подготви: Д. Тахири
