ВЕСТ НА ДЕНОТ
Во јуни исплатени 830.336.364 денари за изградбата на автопатите на коридорите 8 и 10д
Во јуни годинава, имало исплата од државата кон „Бехтел и Енка“ преку Јавното претпријатие за државни патишта (ЈПДП) во износ 830.336.364 денари, според Извештајот од надзорот за прогрес на работите.
ИЗЈАВА НА ДЕНОТ
„Белата куќа и Вашингтон беа исто така против пристапувањето на Литванија, Естонија, Латвија и Полска во НАТО. А имаше и познати, добро познати американски политичари кои се спротивставија на тоа. Но, тоа функционираше. Не треба да го прифаќаме „не“ како одговор… Се случи повеќе од еднаш да почнеме со цврсто „не“, а потоа успеавме да го направиме тоа така што имаше „да“, нагласи Олександр Мережко, пратеник од Слугата на народот, претседател на Комитетот за надворешна политика и меѓупарламентарна соработка на Врховната рада.
РЕГИОН
МНР на БиХ бара Додик да го врати дипломатскиот пасош
Министерството за надворешни работи на Босна и Херцеговина испратило барање до кабинетот на претседателот на Република Српска, Милорад Додик, за враќање на неговиот дипломатски пасош,..
СВЕТ
Околу 10 европски сојузници се подготвени да испратат војници во Украина, се забрзуваат разговорите за безбедносните гаранции
Пакет безбедносни гаранции за Украина би можел да биде финализиран уште оваа недела, а европските лидери брзо ќе дејствуваат откако американскиот претседател Доналд Трамп сигнализираше поддршка за планот. Иницијативата предвидува распоредување на европски војници како дел од потенцијален мировен договор за одвраќање на понатамошна руска агресија дискутирана за време на самитот во Белата куќа на 18 август…
ПОЛИТИЧКИ ОК КОРАЛ
Препукување на релација ДУИ – ВЛЕН кој е поголем Србин
Двата најголеми репрезенти на Албанците во Северна Македонија, ДУИ и ВЛЕН секојдневно се препукуваат преку мдиумите по најразлични основи. Едно од омилените теми на меѓусобно обвинување е кој е поголем промотор на „српскиот свет“ меѓу Албанците во Македонија. Ваквата комуникација дополнително се заострува и добива на интензитет во пресрет на локалните избори.
Истата матрица продолжува и со последното соопштение, кое двете партии речиси истовремено го испратија до медиумите…
СТАВОВИ
Но токму тука се гледа јазот – во македонските урбани средини како Центар и Куманово, ВМРО ДПМНЕ мора да преговара и да попушта, додека во албанските општини едноставно се повлекува. ВМРО-ДПМНЕ ќе се обиде да го продаде ова како „стратегиска распределба на сили“ и рационален пристап кон изборите. Но, за јавноста, впечатокот е дека партијата едноставно се откажува од една третина од територијата на државата, пишува Дестан Јонузи во „ВМРО-ДПМНЕ калкулира со необјавување кандидати за градоначалници во поголемите општини, се повлекува од западна Македонија“.
Подготви: Д. Мишев
