ВЕСТ НА ДЕНОТ
Обвинение за 36 лица во случајот „Синдром“, посредувале за лажни инвалидски пензии
Во рамки на предметот „Синдром“, Основното јавно обвинителство за гонење на организиран криминал и корупција поднесе обвинителен предлог против 36 лица, осомничени за серија кривични дела поврзани со незаконско посредување за добивање права на туѓа нега и инвалидска пензија по цена од 150 до 5000 евра. Обвинетите, меѓу кои има лекари, адвокат и службени лица, делувале преку две организирани криминални групи, злоупотребувајќи ја својата службена положба за лична корист.
Како што соопштија од Основното јавно обвинителство, по спроведена истражна постапка започната кон крајот на април годинава, Основното јавно обвинителство за гонење на организиран криминал и корупција поднесе обвинителен предлог против 36 лица.
Jавниот обвинител му предложл на судот на обвинетите да им бидат продолжени веќе изречените мерки на обезбедување – мерка притвор за пет лица и мерка куќен притвор за пет лица, а за останатите обвинети мерки на претпазливост.
ИЗЈАВА НА ДЕНОТ
Граѓаните од месец во месец се посиромашни – трошоците за живот растат, а платите стагнираат. Според последните податоци, на едно четиричлено семејство во јули му се потребни над 65.000 денари само за основни трошоци. Само за храна, им требаат речиси 24.000 денари. Тоа е повеќе од минималната плата која стои ниско во место, додека цените пробиваат плафон. За само три месеци, синдикалната кошничка е поскапа за 2.637 денари. Годишната инфлација достигна 4,5%. Ова не се бројки на „четврта економија“, туку алармантни податоци за економија во колапс. Јасен, недвосмислен доказ за целосниот дебакл на економските политики на Владата на Христијан Мицкоски, изјави на денешната прес-конференција потпретседателката на СДСМ, Кристина Костова.
РЕГИОН
Еди Рама бара смена на целото раководство на Општина Тирана
Албанскиот премиер Еди Рама побара смена на целото раководство на Општина Тирана. За време на состанокот зад затворени врати со новите заменици на округот Тирана и со раководителите на општината во главниот град, се дознава дека Рама ги критикувал за нивната работа и слабите резултати, пишува A2 CNN.
СВЕТ
Шефот на Агенцијата на ОН за палестински бегалци во вторникот изјави дека нејзините членови на персоналот, како и лекарите и хуманитарните работници, се онесвестуваат на должност поради глад и исцрпеност, пренесе Гардијан.
ФОРУМ
ПРАШАЊЕ НА ДЕНОТ: Дали се чувствувате безбедно во автобусите на ЈСП?
СЛОБОДНА ЗОНА
„Малешевците велат: „това бачило такво сирење дава“. Ако со децении избираме власт која не донесува напредок туку назадок – кој е виновен, почитувани мои сограѓани? Оној што на крајот ја плаќа сметката. Граѓаните ја носат вината за својот лош избор затоа што не се способни да бидат граѓани, туку и понатаму остануваат поданици. Поданиците ги исполнуваат барањата на господарите. Епа, чорба Македонче – за слатко од цреши и пекмез од кајсии ќе почекаш, и тоа ако ти дадат господарите.
На крајот, едно прашање до јавноста: Зошто жените кога ќе видат гол маж ја покриваат устата, а не очите? А министерката е дама“, пишува Војо Маневски во колумната „Ќе прави ли некој слатко од цреши оваа есен“?
*
„Доколку некој го спомне патот, технички, проблемот е само делот од Скопје до косовската граница, кој е цел со дупки, недовршени делници и недоизградени клучки и кружни текови, од косовската граница до тирана е нов автопат, со тунел во Албанија долг 5 километри. Финансиски, ќе потрошите нафта за околу 2500,00 денари (41 евро) и 13,4 евра за патарина.
Сума сумарум, според цената на летот одбран како пример, а слично е и со другите летови кои ги има и од Скопје , доколку летате од тиранскиот, а не од скопскиот аеродром, ќе заштедите 148 евра.
За дупло поголемиот број летови што ги има Тирана, а ги нема тука, оваа математика не важи. На пример, за лет од Тирана до Валенсиа, повратни карти за четиричлено семејство купени во јануари, чинат само 270 евра (67,5 евра по лице)“, пишува Драган Мишев во колумната „Ајде да летаме… од аеродромот во Тирана“.
Д. Муратов
