ВЕСТ НА ДЕНОТ
Филков ја разреши судијката Алексовска Стојановска од членство во работната група за измени на Кривичниот законик
Министерот за правда Игор Филков ја разреши од членство во работната група за измени на Кривичниот законик судијката Даниела Алексовска Стојановска која ја донесе одлуката што јавноста ја оспорува, возачот Васил Јованов кој ја прегази младата Фросина Кулакова, да оди во воспитно поправен дом откако бил фатен со дрога.
Тој ги повика сите судски инстанции и Судскиот совет да преземат дејствија со коишто ќе се преиспита целиот случај со прерано загинатата Фросина.
ИЗЈАВА НА ДЕНОТ
Јовановиќ: Немам врска како се пресметува синдикалната кошничка, премиерот нема врска со реалноста
„Синдикалната кошничка не ја правам ниту јас, ниту Драган Тевдовски, ниту Никола Поповски, туку, како што самото име кажува, ја прави синдикатот. А јас лично немам апсолутно никаква врска со тоа како таа се пресметува, ниту сум бил дел од некаква група која ја правела методологијата, ниту некој некогаш побарал мислење од мене за тоа. Ова само покажува колку премиерот нема врска со реалноста“, изјави за ЦИВИЛ Медиа, проф. Бранимир Јовановиќ како одговор на обвинувањата на премиерот Христијан Мицкоски.
РЕГИОН
Од денес студентите во Црна Гора секој ден ќе блокираат по еден пат во Црна Гора, се бара смена на министерот за внатрешни работи и вицепремиерот
Неформалната група студенти во Црна Гора „Камо сјутра“ соопшти дека од денес, 3 февруари, секој ден ќе биде блокиран по еден пат до дополнително известување, бидејќи нивните барања не биле исполнети по злосторството во Цетиње на 1 јануари.
СВЕТ
Трудо одговори на Трамповиот „тарифник“: Дали започна трговска војна меѓу САД и Канада?
Канадскиот премиер Џастин Трудо одговори на тарифите на претседателот Доналд Трамп кои ги воведе во саботата навечер, објавувајќи дека земјата ќе воведе царини од 25 отсто за 155 милијарди американски стоки.
ПРАШАЊЕ НА ДЕНОТ: Што мислите за реакцијата на власта на граѓанските протести „Правда за Фросина“
АЛ-ПРЕС
Редакциски избор на ЦИВИЛ Медиа од албанските медиуми во регионот: Граничниот премин Блаце со месеци е „место за мачење“ на патниците; Приштина прогласи вонредна состојба поради отпадот; Косовските политички партии засилено во предизборната кампања
Одбрана на демократијата и човековите права
НОВА ВИЗИЈА ЗА ЕВРОПА: Безбеден простор за демократија и човекови права, наспроти подемот на крајно десничарскиот национализам
СЛОБОДНА ЗОНА
„Храброста, граѓанственоста, решителноста и масовноста се потврда дека граѓаните на Србија, овој простор на злосторства и геноцид во XX век, простор потонат во автократија, злоупотреба на власта, слободата на медиумите и народните ресурси во XXI век, се кренаа на нозе да ја осведочат својата определба за цивилизациските вредности, граѓанството, демократијата, како и да го објават, и со бројка, неприфаќањето на владеење без полагање сметка.“, пишува Авторот Миѓен Келменди, во колумната „Србија, студентите и стиропорот!“
Подготви: Д. Тахири
