Оваа „кореспонденција“ на линија влада – крупен бизнис отвора голем број прашања, што воедно беше и ПРАШАЊЕ НА ДЕНОТ што го постави ЦивилМедиа. Детална анализа на овие прашања направи Љубомир Костовски во анализата под наслов Тази писмо не е писмо: Мицкоски меѓу популизмот и „предбрачниот договор“ со крупниот бизнис. На оваа тема пишуваше и Војо Маневски во колумната Колку вреди предизборното ветување?
ИЗЈАВА НА ДЕНОТ
МОН за ЦИВИЛ: За безбедноста на учениците ќе има зголемување на полициски патроли околу училишните објекти и на локациите каде има поголема раздвиженост на ученици
Со почетокот на учебната година, почнуваат и грижите за безбедноста на учениците. Од Министерството за образование и наука за ЦивилМедиа изјавија дека заедно со Министерството за внатрешни работи, локалните самоуправи и бројни меѓународни партнерски организации како УНИЦЕФ, ОБСЕ, постојано работат на подигнување на нивото на безбедност во училиштата.
СВЕТ
Масовен украински напад со дронови врз Московската област и други руски региони
РЕГИОН
Европската комисија предвидува меѓувладини конференции во Белград и Тирана – Скопје виси
ПРАШАЊЕ НА ДЕНОТ: Кој управува со државата, Мицкоски или крупниот бизнис?
Премиерот наводно ќе чека да заврши месецов и да види дали фирмите од списокот ја исполниле обврската, но по дописот кој е упатен директно до него останува да се види, дали тој ќе ги прифати барањата од бизнисот, ќе го менува законот и/или ќе се пролонгира неговата примена?
СЛОБОДНА ЗОНА
АНТИДИСКРИМИНАЦИЈА
Вниманието на еден текст за инклузивното образование, објавен на Нетпрес, ми го сврте еден жесток коментар на колумнистката и универзитетска професорка Емилија Целакоска. Текстот го пишува извесен виш просветен инспектор во пензија. На крајот од текстот преполн со фрапантни конзервативни ставови, авторот дава препорака да се вратат „посебните училишта“ за лицата со попреченост или, како што тој ги нарекува „попречени лица“ (не е смешно). Воедно, низ текстот и во „препораките“ тој (крајно паушално) ги дисквалификува УНИЦЕФ и поранешната влада кои ги укинаа посебните училишта и ги интегрираа во редовното образование. Непотребно е да се нагласи дека се работи за веќе вообичаена пракса во земјите во кои веќе одамна владеат принципите на недискриминација и инклузивност. Тоа треба да е познато од општа култура – пишува Џабир Дерала во колумната СЕГРЕГАЦИЈА: „Посебните училишта“ се дел од мрачното минато – и таму треба да останат!
САТИРА
Годинава комарците буквално ни ја исцицаа крвта, чиниш се некои потомци на Дракула. Неспособноста на мајката на Градот да се избори со овие мали крвопијци ја натера Владата да креира работна позиција Национален координатор за борба против комарците – пишува Дехран Муратов во сатиричниот текст Се бара национален координатор за борба против комарци.
