Често на адреса на организацијата во чиј состав е и Редакцијата ЦИВИЛ Медиа, пристигнуваат контрадикторни критики од двете спротивставени страни на македонската политичка палета, за тоа дека продукцијата на овој највидлив продукт на медиумската платформа на ЦИВИЛ е насочена против власта или против опозицијата. Овој преглед на дневни содржини што се појавуваат на насловната страница (landing page) на 30 август на www.civilmedia.mk е илустрација за балансираноста, но и за богатството и разновидноста на овој интернет медиум.
На горниот банер на страницата е линк до Петицијата #КрајЗаРасипништвото (Иницијатива на ЦИВИЛ за укинување на привилегиите на сите функционери, без исклучок).
Која е Нина Ангеловска, новата министерка за финансии? – текст со биографски податоци на новата министерка за финансии.
Заев од собраниската говорница влезе во пресметка со гласините и лажните вести – текст за одбраната од нападите против предлогот Нина Ангеловска да биде новата министерка за финансии.
Жешка собраниска седница, во фокусот – Нина Ангеловска – агенциски извештај од собраниска седница, застапени се претежно обвинувањата од опозицијата.
30 август: Колевски на чело на Совет на јавни обвинители, рејтинг, де факто-НАТО, СОНК… – редакциски преглед на вестите на денот до 16 часот.
Спасовски: Унапредувањето на безбедноста е од заеднички интерес за Северна Македонија и за Албанија – агенциска вест.
Петицијата за укинување на привилегиите трае до 7 септември, потоа ќе се интензивира притисокот врз институциите – најнови информации за Иницијативата на ЦИВИЛ.
ПОЕНТИ: Тендерите се најефикасен инструмент за релаксирање на меѓуетничките односи – личен став на Џевдет Хајредини кој редовно, остро и зајадливо ја критикува власта.
Самсара – колумна на една наша сограѓанка, поетеса, Македонка, што живее во Париз, Франција.
Европски министри „притискаат“ за преговори за членство со Северна Македонија и Албанија – агенциска вест.
ТИМ Институт: СДСМ со подобар рејтинг и поголема доверба од ВМРО-ДПМНЕ – извештај од истражување на јавното мислење.
Кому му треба штрајк на наставниците? – колумна на Џабир Дерала за синдикалното организирање на наставниците.
Маас: Германија очекува Брегзит на 31 октомври – агенциска вест за меѓународна политика.
Македонија ќе биде мала Швајцарија ако функционерите работат како што треба – анкета со граѓанките и граѓаните од Скопје во чии одговори преовладува критички тон во однос на Владата.
Анкета во Кавадарци: Зелена или црна иднина? – Анкета со граѓанките и граѓаните од Кавадарци во чии одговори преовладува критички тон во однос на Владата.
Рубрика ОЗБИЛНО во која преовладуваат сатирични текстови на сметка на Владата, но и на опозицијата.
Интервју: Митко Јанчев, градоначалник на Кавадарци: Министерството за екологија треба повеќе да работи (1 дел) – Митко Јанчев е градоначалник од редовите на опозициската ВМРО-ДПМНЕ, инаку единствената промовирана содржина на ФБ страницата на ЦИВИЛ во текот на целата недела.
На средината од насловната страница е банер со линк до пријави за корупција, лажни вести, говор на омраза и кршење на човековите права.
На насловната страница на интернет порталот се објавени и низа други содржини со информации и вести од регионот и светот, како и економија, технологии, култура, социјална правда, екологија итн.
Во секој случај, медиусмката платформа на ЦИВИЛ ги отсликува статутарните и програмските заложби на ЦИВИЛ, организација за човекови права, основана во 1999 година, од македонски граѓанки и граѓани. Редакцијата ја користи оваа прилика да им заблагодари на сите читателки и читатели, како и на авторките и авторите, за нивната доверба и поддршка, пофалби и критики.
ЦИВИЛ Тим за комуникации