• Latest
Добро утро со Орданоски

Кој вели дека не може и поинаку?

February 5, 2021
Поморскиот сообраќај во Црното Море се соочува со зголемени безбедносни ризици. (Фото: Mosbatho / Wikimedia Commons, CC BY 4.0)

Два поморски инцидента за два дена во Црното Море, спасени 31 морнар

November 18, 2026
Гордана Сиљановска-Давкова гласа за вториот круг на претседателските избори во 2024. Фото: Toshe Ognjanov (VOA). Извор: Wikipedia

Сиљановска-Давкова и „рекордот“ во бројот на уставни измени: Тврдењето падна на проверката на фактите – статистиката во служба на националистичката реторика

November 18, 2026
Анти-владини протести, Братислава, 17 ноември 2026 (Фото: Скриншот од видео на APT News)

Словачка: Илјадници демонстранти протестираа против владата на Роберт Фицо

November 18, 2026
Беџ на АНБ (фото: Архива на Слободен печат)

АНБ и МВР разоткрија мрежа поврзана со Иран: Петмина уапсени поради сомневања за подготовка на атентат во Грција

November 18, 2026
„Бољи живот“ - Лидија Вукичевиќ со јогурт на главата, Белград, 17 ноември 2026 (скриншот од видео на социјалните мрежи)

Вучиќ од вториот и третиот чин

November 18, 2026

Кремљовска мрежа ботови „Матрјошка“ поттикнува сепаратизам пред изборите во Шпанија

November 18, 2026
Големата сала во српскиот парламент (извор: parlament.gov.rs)

Србија: Вучиќ со 103-минутен говор ја претвори конститутивната седница во политичка пресметка – што се случи?

November 18, 2026
Еврокомесарката за проширување Марта Кос (photo: EC - Audiovisual Service)

Скандал: Српска националистичка песна на ЕУ форумот за проширување – што се случи?

November 17, 2026
Роботика во практична демонстрација: Прецизно ракување со предмети. (Извор: Google / Gemini, screenshot)

Вештачката интелигенција и роботиката: Светот отвора нови технолошки хоризонти

November 17, 2026

Црно Море: Потона товарен брод во бугарската економска зона, сомнежи за напад со морски дронови

November 17, 2026
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Кој вели дека не може и поинаку?

February 5, 2021 07:37
in ДОБРО УТРО СО ОРДАНОСКИ, ТОП 5
Добро утро со Орданоски

Добро утро со Орданоски

Share on FacebookShare on Twitter

пишува: САШО ОРДАНОСКИ

После 16 години на чело на Германија (од 2005 година, при тоа, во четири последователни мандати, и прва канцеларка во историјата на државата), после 18 година на чело на Христијанско-демократската унија (од 2000-2018 година), Ангела Меркел годинава заминува од активната германска политика. Кога пред нешто повеќе од две години се простуваше од своите сопартијци на нивниот тогашен партиски конгрес, аплаузот со кои партиските колеги ја испратија од лидерското место траеше десетина минути, иако Меркел се обиде од бината таа поздравна салва, со видна нелагодност, неколку пати да ја прекине… Според новинските извештаи, многу Германци во истиот момент излегле на своите балкони, тераси и прозорци, придружувајќи се на долгото ракоплескање!

На крајот од минатата година, пак, во едно истражување спроведено на примерок од полнолетни граѓани во 14 европски земји, Меркел суверено го освои првото место во конкуренција со бројни европски и светски колеги, со доверба кај испитаниците од неверојатни 75%.

На сите светски листи на влијание, наназад којзнае колку години, Меркел – доктор на науки од областа на квантната хемија, а покрај германски, говори и руски и англиски јазик – е на самиот врв, мерено и меѓу жените и меѓу мажите. Скромна, цврста, автентична, речиси без суета. Глобална фигура на надеж.

За сите години на власт, Ангела Меркел – да, со годишна плата од околу 250.000 евра – со својот сопруг живее во нормален, приватен стан во Берлин (службениот канцеларски стан од 200 квадрати не го користи), нема вили и државни резиденции, нема домашна послуга или помош, а до пред некоја година поседуваше „голф“ произведен во 1990 (барав по интернет, но не можев да најдам понов податок за тоа дали купиле нов автомобил со сопругот, откако за неколку илјади евра го продале последниот „голф“)… По сопствено неодамнешно признание, сопругот (патем, ова ѝ е втор брак) раководи со машината за перење дома (во ноќни саати, на евтина струја!), а таа пегла, додека на пазарење (пешки) најчесто одат заедно.

Добро, на страна нејзината политика – со сите свои успеси и потфрлања, госпоѓа Меркел директно влегува во историјата на германската, европската и светската политика, рамо до рамо со најголемите авторитети од современата западна цивилизација – зборот ми е нешто друго…

Дали некој во последните две-три децении слушнал за некаква афера или скандал – какви било – во кои беше вмешана 66-годишната г-ѓа Меркел, родена хамбуршчанка, лидерката на една од најголемите и најбогати економии и една од најстабилните демократии во светот? Памти ли некој некаква злоупотреба, макар ситна корупција? Да интервенирала негде за некој роднина или пријател? Да добила подарок од некого? Протекција? Со службениот „ауди 8“ да отишла на приватен викенд на некое германско езеро? Да има некоја фирмичка „по дома“ или на некој опскурен остров? Да носела чанта или чевли од 500, 1.000 евра, за таа сума да направила фризура со кратки шишки? Да се послужила со пари од партијата или да дозволила некој сопартиец тоа да го направи? Да платила преку ред во самопослуга? … Аман, луѓе, нешто?!

Тоа се вика лидерство со личен пример.

Толку за денеска, колку да не се каже дека политиката, во принцип, е валкана работа и дека нема примери на кои можеме да се угледаме.

 


Сите права се задржани. ЛИНК: Услови за користење, авторски права и заштита на приватноста. Текстот е личен став на Авторот.

Tags: Ангела МеркелГерманијадемократијалидерствочесност
ShareTweetSend
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДИСКУРС
  • ФОРУМ
  • ГРАЃАНСКА
  • МАРКЕТИНГ
  • ИМПРЕСУМ