„Силно ја осудуваме одлуката на Русија за признавање на украинските региони Донецк и Луганск како самонаречени “Народни Републики Донецк и Луганск”. Ваквиот чин е директен напад врз територијалниот суверенитет и интегритет на Украина и кршење на договорите од Минск и меѓународното право, одлуките на Советот на ООН од 2015 на кои е обврзана и Русија, вели првиот вицепремиер, Артан Груби, за ЦИВИЛ Медиа.
Тој додава дека Северна Македонија го поддржува суверенитетот и територијалниот интегритет на Украина во меѓународно признатите граници.
„Северна Македонија како и останатите НАТО сојузници се приклучува на повикот за враќање на Русија на решавање на конфликтот преку мирен и дипломатски пат.
Треба да се каже во политичкиот дел дека будно се следат работите, од домашни институции и од НАТО, и дека се превземаат сите чекори за заштита на безбедноста и сигурноста.
Дека е можно да има негативни ефекти и последици, како што има од секој конфликт, и дека баш затоа се инсистира на дипломатски дијалог и мирно решавање на кризата. Но, и дека се прават сите припреми и подготовки да се заштити безбедноста и стабилноста на нашата земја и нашиот регион.
Многу е корисно во нашиот регион речиси сите наши соседи и држави во поширокиот регион се членки на НАТО и со нив сме во дневна комуникација и координација, и правиме заеднички напори во интерес на нашата колективна безбедност и заштита“, вели министерот за Политички систем и односи меѓу заедниците.
Д. М.
