„Македонија е специфична држава бидејќи во неа живеат различни народи од различни вери и различна етинчка припадност. Секогаш во ваквите држави нормално е да се очекуваат одредени проблеми. реалноста е една што е на терен, а политичката оссотјба е нешто сосема друго. Тензии меѓу политичките субјекти на етничко ниво нема и не постојат. Реално граѓаните сакаат да живеат заедно, соработуваат максимално, ако го земеме за пример Куманово, но постои поделеност на етничкао основа и тоа е нашата реалност. Ние избраните лица имаме обврска да ги намалиме тие поделености“, изјави Максим Димитриевски, градоначалник на Куманово зборувајќи за меѓуетничката сосотојба на нашата земја.
Според Димитриевски младите луѓе се поделени по етничка основа и потребно е да се вложат напори и тоа системски да се реши, повторно да се обединат. Димтриевски истакна дека Општината секогаш се обидува во организација на настаните и манифестациите да промовира мултикутурализам, иако тоа не е доволно.
„Верувам дека е потребно да помине време, но и многу повеќе реални, отколку декларативни напори за да се подобрат односите“, вели Димитриевски.
„Од аспект на дикркиминација денеска не можам да кажам дека во Македонија има некои сериозни облици на дискриминација. Многупати се користи терминот маргинализирани групи. Не сум поборник на една таква дебата. Сметам дека нема простор во едно модерно општество за маргинализирани групи и било кој да се чувствува маргинализирано, сепак тоа се индивидуални ставови на одредени поединци. Ние тежнееме да живееме во едно модерно општество во кое има простор и место за сите, а секој нека одлучува во рамки на својот живот како ќе го живее, но притоа не треба да се потенцира премногу дека некој е маргинализиран, бидејќи на тој начин вие самите себеси се маргинализирате“, смета Димитриевски во врска со идентификување на дискриминацијата во нашата држава.
„Бев уверен и сè уште сум дека Македонија може, реално, да изгради еднакво општество за сите. Но, еднакво општество за сите не е замисла да биде еднакво само за граѓаните, туку за сите, вклучувајќи ги и политичките елити. Денеска во државата имаме сосема друга состојба. Имате едно општество за политичката елита и друго општество, останатиот дел од општеството за граѓаните, што е несвојствено. Тоа значи имате поделено општество, да не речам класно поделено општество. Значи од една стран оние што се во политика или се блиски до политичките субјекти без разлика дали денеска се на власт или во опозиција и се здружени во одредени облици на делување, а тоа се вика политичка партија сите останати граѓани кои многу често се прашуваат дали има простор и место за нас. Голем дел од нив, особено прогресивните млади сили поради тоа и тие фрустрации си заминуваат од државата.
Зошто? Па правите еден конкурс за вработување и гледате дека нема место за најквалитетниот во генерацијата да се вработи, туку сепак, кадровското решение го дава некој од политичките субјекти кое е на власт, за некое лице кое не е кфалификувано како самиот конкурент и доаѓа до фрустрација“; истакна Максим, зборувајќи за концептот „едно општество за сите“.
„Можеби во иднина треба да креираме непартиско општество кое реално ќе им припаѓа на сите, а не да креираме едно општество за сите под знак наводници каде во тоа општество ќе има посебен дел за обичниот граѓанин и посебен дел за политичката елита и луѓето што им даваат континуирана поддршка“, заклучи Димиитриевски.
Б. Јордановска
камера: Дерхран Муратов
Оваа содржина е дел од иницијативите и проектите на ЦИВИЛ за промоција на мултикултурализмот и европските вредности, со поддршка од Министерството за надворешни работи и европски прашања на Големото Војводство Луксембург. Ставовите и мислењата изнесени во овие содржини се на самите Автор(к)и и не нужно ги отсликуваат официјалните ставови на донаторите.
