Михаило Подољак, советник на шефот на Кабинетот на украинскиот претседател, го коментираше Владимир Путин кој прогласи делумна мобилизација во Русија во објава на Твитер, пренесува Укринформ.
„210-ти ден од „тридневната војна“. Русите кои бараа уништување на Украина на крајот добија: 1. Мобилизација. 2. Затворени граници, блокирање на банкарски сметки. 3. Затвор за дезертерство. Сè уште е според планот, нели? Животот има одлична смисла за хумор“, напиша советникот на Твитер на 21 септември.
210th day of the “three-day war”. Russians who demanded the destruction of ?? ended up getting:
1. Mobilization.
2. Closed borders, blocking of bank accounts.
3. Prison for desertion.Everything is still according to the plan, right? Life has a great sense of humor.
— Михайло Подоляк (@Podolyak_M) September 21, 2022
Путин е во агонија. Ги фрли сите карти на маса. Направи се за да избегне мобилизација, знаеше дека анкетите покажуваат дека овој потег има поддршка од само десет проценти“, објави Антон Герашенко, советник на украинскиот претседател Володимир Зеленски, коментирајќи ја одлуката на рускиот претседател за делумна мобилизација.
„Кога овие набрзина мобилизирани луѓе ќе се вратат од војната, тие ќе ја дестабилизираат Русија и ќе ја фрлат во превирања“, напиша тој.
„Никој не може да го запре тркалото на историјата. Фрлајќи ги сите овие луѓе во војната против Украина, Путин само ќе се приближи до својот крај. Ништо не се менува за Украина. Продолжуваме да одиме напред и да ги ослободуваме нашите територии. Западот продолжува да не поддржува. Слава на Украина“, додаде Герашенко.
Мобилизацијата и нуклеарните закани нема да му помогнат на агресорот во неговите напори да ја освои и уништи Украина и Украинците, изјави градоначалникот на Киев, Виталиј Кличко.
– Тиранинот Путин конечно ги започна процесите што ќе го закопаат во неговата сопствена земја, рече Кличко.
Најавата за делумна мобилизација, објавена од рускиот претседател Владимир Путин во средата, на 21 септември, сведочи за неговиот неуспех да ја разбере Украина и неговата суштинска слабост, вели Мелинда Симонс, британска амбасадорка во Украина, пишува Укринформ.
„Го гледав говорот на Путин. Тој сè уште одбива да ја разбере Украина. Делумната мобилизација и лажните референдуми не ја менуваат таа суштинска слабост“, напиша амбасадорката Симонс на Твитер.
Watched Putin’s speech. He still refuses to understand Ukraine. Partial mobilisation and sham referenda don’t change that essential weakness.
— Melinda Simmons (@MelSimmonsFCDO) September 21, 2022
„Тоа е сериозна закана, но закана што е веќе упатена“, изјави Киган за Би-Би-Си.
„Некои од зборовите на крајот беа доста вознемирувачки. Тоа е нешто што треба да го сфатиме многу сериозно бидејќи, знаете, ние не контролираме. Не сум сигурна дека ниту тој има контрола. Мислам, ова е јасно ескалација“, додаде таа.
„Тоа беше повторно пишување на историјата“, изјави Киган.
Лажните референдуми и мобилизацијата се знаци на слабост и неуспех на Русија во војната што ја започнаа против Украина, вели американската амбасадорка во Украина Бриџит Бринк, која го објави коментарот преку Твитер.
„Лажните референдуми и мобилизацијата се знаци на слабост, на руски неуспех. Соединетите Држави никогаш нема да го признаат барањето на Русија за наводно анектирана украинска територија и ние ќе продолжиме да стоиме со Украина онолку долго колку што е потребно“, напиша амбасадорката на Твитер.
Sham referenda and mobilization are signs of weakness, of Russian failure. The United States will never recognize Russia’s claim to purportedly annexed Ukrainian territory, and we will continue to stand with Ukraine for as long as it takes.
— Ambassador Bridget A. Brink (@USAmbKyiv) September 21, 2022
Како што претходно објави Укринформ, Вјачеслав Володин, шефот на рускиот законодавен дом, Државната дума, зборуваше за Русија да ги прифати привремено заземените територии на регионите Доњецк и Луганск во Украина. Руските медиуми јавуваат дека окупаторските администрации одлучиле на привремено заземените територии на регионите Керсон и Запорожје да одржат „референдуми за пристапување кон Русија“.
Холандскиот премиер Марк Руте ја коментираше одлуката на Владимир Путин за делумна мобилизација.
Руте за холандската телевизија НОС рече рускиот претседател е во паника.
– Мобилизација, повикување на референдуми во Доњецк, сето тоа е знак на паника. Неговата реторика за нуклеарното оружје е нешто што сме го слушнале многу пати досега и нè остава ладни. Сето тоа е дел од реториката што ја знаеме. Би ве советувал да останете мирни, порача тој.
Германскиот министер за економија Роберт Хабек ја осуди најавата на рускиот претседател Владимир Путин за делумна мобилизација.
– Овој потег е лош и погрешен, нагласи Хабек.
Чешкиот премиер Петр Фиала рече дека делумната мобилизација што ја објави Москва е „обид за понатамошна ескалација на руската војна против Украина“.
Според него, тоа е „уште еден доказ дека Русија е единствениот агресор“.
– На Украина треба да ѝ се помогне и во наш интерес мора да продолжиме да го правиме тоа, напиша Фиала на Твитер.
Подготви: Д.Мишев
