ТЕМА НА ДЕНОТ
Руските псевдо – референдуми во окупираните делови на Украина
Изјава на украинското МНР во врска со лажните „референдуми“ на Русија на привремено окупираните територии на Украина: Уште едно руско злосторство во текот на нејзината агресија
Од 23 до 27 септември, Руската Федерација организираше пропагандно шоу наречено „референдуми“ на привремено окупираните територии на Херсонската, Запорижската, Луганската и Донецката област на Украина. Присилувањето на луѓето на овие територии да пополнат некои документи под нишан на руските војници е уште едно руско злосторство во текот на нејзината агресија против Украина. Ваквите дејствија сериозно ги кршат Уставот и законите на Украина, како и нормите на меѓународното право и меѓународните обврски на Русија.
Шолц: Берлин никогаш нема да ги препознае резултатите од руските псевдореферендуми во Украина
Германскиот канцелар Олаф Шолц му порача на украинскиот претседател Володимир Зеленски дека Берлин никогаш нема да ги признае резултатите од лажните референдуми на привремено окупираните територии на Украина, ја пренесува Укринформ објавата на Шолц на Твитер.
„Лажните референдуми што Путин ги спроведе во незаконски окупираните области на Украина се безвредни. Тие се нелегални според меѓународното право. Германија никогаш нема да ги признае наводните резултати. Денеска го уверив украинскиот претседател Володимир Зеленски во телефонски разговор“, напиша тој.
Кина не го поддржа псевдо – референдумот во окупираните региони во Украина, повика на „почитување на суверенитетот“
Кина во вторникот повтори дека суверенитетот на сите земји треба да се почитува откако Русија со спроведување на псевдо – референдумот во Рокупираните региони на Украина.
„Кина секогаш го подржувала ставот дека суверенот и територијалниот интегритет на сите земји треба да се почитува“, рече портпаролот на Министерството за надворешни работи Ванг Венбин на прес-конференција во Пекинг.
ИЗЈАВА НА ДЕНОТ
Исмајлоска Старова: Во меѓувреме, Отворен Балкан порасна, се отворија зелени ленти за брз проток на камиони на границите, се организираше врвен регионален Саем за вино, храна и туризам и се оформија кризни групи за помагање во снабдувањето со храна и енергија за што секојдневно известуваат медиумите, ама ете Мицкоски одлучил дека не е информиран и дека немало да даде поддршка за Отворен Балкан.„Со ратификација на договорите кои ги блокира, граѓаните на Северна Македонија, Србија и Албанија ќе добијат можност да работат во која било од трите држави без да вадат работни дозволи, без какви било бариери, без аплицирања и чекања, без административни трошоци“
ВОЈНА ВО УКРАИНА
Во близина на граничниот премин Казбеги на Грузија со Русија, вчера се одржа протест против напливот на голем број Руси кои бегаат во кавкаската земја со цел да ја избегнат нпрогласената „делумна“ мобилизација во својата земја. Демонстрантите во близина на граничниот премин Казбеги вееја украински и грузиски знамиња и носеа транспаренти на кои можеше да се прочита „Путин е терорист“, „Русија убива“.
*
Шест цивили загинаа, а четворица се повредени во руското гранатирање на регионот Доњецк во изминатиот ден, изјави началникот на регионалната воена управа на Доњецк, Павло Кириленко на Телеграм, јавува дописникот на Укринформ.
„На 28 септември 2022 година, Русите убија шест цивили во регионот на Доњецк: двајца во Торецк, еден во Бахмут, еден во Пивнични, еден во Блаходатне, еден во Миколаивка. Повредени се уште четири лица“, напиша Кириленко.
СВЕТ
Ураганот Ијан ја зафати Флорида, а беше придружен од силни ветрови и обилни врнежи од дожд што предизвикаа катастрофални поплави и прекин на електричната енергија низ оваа американската сојузна држава.
*
Една од најстарите њујоршки вили, која Југославија ја купила во 1946 година, продадена е за 50 милиони долари во готовина, потврди најголемата агенција за недвижности во САД, компанијата „Даглас Елиман“, соопшти американскиот весник „Волстрит џурнал“.
*
Алијансата излезе со став по истекувањата на гас од Северен тек 1 и 2 овие дена. Северноатлантската алијанса смета дека вестите за истекувањата на гасот од Северен тек 1 и 2 во Балтичкото море се причина за “длабока загриженост“.
„Ние, како сојузници, се залагаме да се подготвиме да обесхрабриме, да се браниме против секаква насилна употреба на енергијата и други хибридни тактики од страна на државни и недржавни ентитети. Секој намерен напад врз критичката инфраструктура на сојузниците ќе биде пресретнато со обединет и одлучен одговор, се наведува во реакцијата на Алијансата.
*
РЕГИОН
Бугарскиот технички министер за регионален развој, Иван Шишков, соопшти дека гасниот интерконектор меѓу Грција и Бугарија веќе ги има сите документи за негова употреба. Министерот добиениот документ им го покажа на новинарите во зградата на бугарската Влада. Интерконекторот треба да биде пуштен во употреба во сабота на 1 октомври.
ФЛЕШ ВЕСТИ
СНАБДУВАЊЕ СО ЕНЕРГЕНСИ Најголемиот проблем со кој граѓаните ќе соочат оваа зима, настрана како ќе се издржи ценовниот шок со прехранбените продукти, е како ќе се истера грејната сезона, дали ќе има парно, струја, ќе одат ли децата на училиште, ќе има ли работа во фабриките… Премиерот Димитар Ковачевски, на вчерашната прес-конференција по економско-енергетскиот совет информираше за донесените одлуки, кои гарантираат сигурно, стабилно снабдување со енергенси во наредниот период.
ИНТЕГРАЦИИ Скрининг процесот започна. Нашите тимови се во Брисел, каде детално се гледа нашето законодавство преку професионални тимови. Ги повикувам сите општествени чинители да се исправат пред предизвикот на пресудните моменти за заокружување на нашата државност, преку полноправното зачленување во Европската Унија, порача денеска премиерот Димитар Ковачевски. Според премиерот, нашата земја е соочена со големи предизвици и се наоѓа во пресудни моменти во кои се одредува нашата иднина.
ОТВОРЕН БАЛКАН Договорите од „Отворен Балкан“ со кои што се предвидува работници од Македонија, Србија и Албанија да конкурираат на пазарот на труд во сите три земји, не се ратификувани само во македонскиот парламент. Опозицијата не дава поддршка. Велат дека не им е јасна целта на „Отворен Балкан“. Сè уште не се укинати работните дозволи за да може државјаните на Македонија, Албанија и Србија слободно да работат во која било од земјите.
ПЕНЗИИ Со септемвриската пензија околу 330 илјади пензионери во државата добиваат повисоки пензии за 6.8 отсто, согласно новата методологија воведена со последните измени во Законот за пензиското и инвалидското осигурување, кои стапија на сила во март 2022 година.
ДИСТРИКТ
Ретро ДИСТРИКТ 15: Славјанка Петровска, Петар Богојески, Ива Петрунова, Благојче Атанасовски, Марјан Ѓорчев
Целите интервјуа гледајте ги на линковите:
Славјанка Петровска: https://civilmedia.mk/petrovska-brgu-se-potvrdi-deka-chlenstvoto-vo-nato-e-nasha-mudra-drzhavnichka-odluka-i-za-segashnosta-i-za-idninata/
Петар Богојески: https://civilmedia.mk/bogojeski-imam-reshenija-za-site-gorlivi-prashana-no-kluchna-e-doverbata-od-glasachite/
Ива Петрунова: https://civilmedia.mk/petrunova-urbanata-kultura-e-primarniot-faktor-za-urbanoto-zhiveene/
Благојче Атанасовски: https://civilmedia.mk/atanasovski-i-ustavno-i-vo-praktikata-da-zazhivee-graganska-drzhava-ednakva-za-sekogo/
Марјан Ѓорчев: https://civilmedia.mk/gorchev-sovremenoto-vmro-dpmne-ideoloshki-se-pozitsionira-podesno-od-tsentarot/
СЛОБОДНА ЗОНА
На истиот став е големата светска сила Кина , во која Путин полагаше големи адежи дека ќе ја придобие на своја страна во борбата против „западниот хегемонизам“. Кина во вторникот повтори дека суверенитетот на сите земји треба да се почитува откако Русија со спроведување на псевдо – референдумот во окупираните региони на Украина.
„Кина секогаш го подржувала ставот дека суверенот и територијалниот интегритет на сите земји треба да се почитува“, рече портпаролот на Министерството за надворешни работи Ванг Венбин на прес-конференција во Пекинг.
Тој додаде и дека треба да се почитуваат целите и принципите на Повелбата на ОН, треба сериозно да се сфатат легитимните безбедносни грижи на сите земји и да се поддржат сите напори за мирно решавање на секоја криза, пишува Драган Мишев во анализата „ Руските псевдо – референдуми во окупираните делови на Украина осудени на пропаст, не добија поддршка дури ни од сојузниците на Путин“
Д.Мишев
