Разочарувачки е да се гледа како зелени активисти шират мудри зборови од застапниците на „нова традиционална архитектура“ како ги серат модернизмот и брутализмот во архитектурата по кои е познат Скопје. Ај што никој не може да го прочита написот зашто е затворен, ама насловот го критикува Скопје и тоа им одговара на новите зелени политичари, реагира во објава на Фејсбук, активистот Никола Наумоски.
„Иако, сите зелени површини, паркови, јавни простори, тротоари, дрвореди во Скопје се од периодот во кој Скопје е подигнато од рушевините (втората половина на 20-ти век) под силно влијание на тогашни светски текови во архитектурата и урбанизмот. Иако тие модерни згради од бетон се дела на најпознатите македонски, југословенски и светски архитекти од тоа време, ние дозволуваме некој си Швеѓанец, вљубеник во традицијата и неговиот хрватски пајташ вљубеник во „златните“ периоди на австроунгарски Загреб, да ни го критикуваат најдоброто во нашиот град, па уште и на недоискажано да ги споделуваме (!?).
Ај што имаме непосредно искуство на уништување на централното градско јадро од страна на еден наш вљубеник во „новата традиоционална архитектура“, ај што тој проект уништи преку 20 јавни простори/паркчиња во центарот на градот, ај што уништи десетици згради со своите „нови традиционални фасади“, ај што ги отру јавните простори со „нови традиционални фонтани и споменици“, па сега дочекавме некогашните противници на СК2014 да ги голтаат ваквите грозни подметнувања. Антизелени, антиеколошки, антипрогресивни и нехумани. Шерувани од Зелените.
А, за политичките и идеолошките пораки на оваа „нова традиционална архитектура“ не мислам да трошам зборови. Ако не знаете што овие стилови претставуваат, односот на државата/владетелот кон обичниот човек, односот кон религијата, националните митови, животната средина… тогаш ви нема спас“, пишува активистот и поранешен шеф на кабинетот на поранешниот градоначалник на Скопје, Петре Шилегов.
