Францускиот претседател Емануел Макрон претстави иницијатива против насилство врз жените, со цел да се елиминира чувството на срам на жртвите.
Во обраќање по повод Меѓународниот ден против насилство врз жените, Макрон претстави план кој ги поттикнува жените да преземат акција. Планот предлага построги закони против сторителите и се предвидени мерки за едукација на населението за оваа тема, почнувајќи уште од градинка.
Макрон изјави дека минатата година во Франција починале 123 жени како резултат на насилство од страна на нивните партнери. – Време е срамот од едната да премине на другата страна, рече Макрон.
Тој посочи дека Франција во следните пет години ќе преземе максимални напори против насилството врз жените.
„Убеден сум дека една од главните задачи на мојот петгодишен мандат ќе биде борбата за полова рамноправност и борбата против насилство врз жените“ – рече Макрон.
Францускиот претседател најави дека во 2018 година ќе бидат издвоени 420 милиони евра за спроведување на програмата за заштита на родовата еднаквост.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
