Медиумите сѐ што ќе кажат – лажат

Тимот на ЦИВИЛ ги праша неготичан(к)и – Дали има слободни медиуми? Најголем дел од одговорите е дека медиумите работат со страв и дека не известуваат објективно. 

„Џабе има слободни медиуми кога ништо не кажуваат како што треба“, вели еден граѓанин од Неготино.

Други неготинчани додаваат -„Нема слободни медиуми бидејќи се плашат“, „Тешко да има слободни медиуми, оти ги гњавеа едно време, не им даваа(т) ништо да кажат, во овој момент тешко дека ќе се поправи состојбата во медиумите бидејќи таква е моменталната политика“, „Владата не ги слуша ниту медиумите ниту нас граѓаните, нема слободно искажување“, додаваат тие.

Граѓаните на Неготино информациите што ги добиваат од медиумите ги прифаќаат со резерва.

„Медиумите сѐ што ќе кажат – лажат. На секој медиум што ќе му даде власта еден „залак“ повеќе, одма се завртува од нивна страна.

Маја Ивановска

Камера: Дехран Муратов

Овој проект е финансиран од Европската Унија преку програмата за мали грантови „Заштита на слободата на медиумите и слободата на изразување во Западен Балкан“ спроведена од Здружението на хрватските новинари, како дел од регионалниот проект „Регионална платформа на Западен Балкан за слобода на медиумите и безбедност на новинарите”, спроведена преку партнерство на шест регионални новинарски здруженија – Здружение на независни новинари на Србија, Здружение на новинари од Босна и Херцеговина, Здружение на новинари на Хрватска, Здружение на новинари на Косово, Здружение на новинари на Македонија и Синдикатот на медиуми на Црна Гора.