Во Брисел од денеска до 21 март ќе се одржи нова рунда разговори меѓу делегациите на Белград и Приштина на ниво на експерти.
Предвидено е темите на разговорите во Брисел да бидат примената на постигнатите договори за Заедницата на српските општини, енергетика, мостот во Косовска Митровица, слободата на движење и интегрираното управување со административните премини.
Делегацијата на Белград во овие разговори ја предводи директорот на Канцеларијата за Косово и Метохија Марко Ѓуриќ, додека на чело на приштинската делегација е Авни Арифи.
ЕУ порача дека е неопходно да се забрза динамиката на разговорите за примена на постоечките договори од рамките на дијалогот за нормализација на односите меѓу Белград и Приштина. За таа цел, техничките делегации ќе се среќаваат секои две недели во Брисел.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
