По синоќешната средба на партиите поддржувачи на Договорот со Грција и успешност на претстојниот референдум, приемирот Зоран Заев очекува поддршката да расте и да се проширува коалицијата „Заедно за европска Македонија“.
Премиерот Заев изјави дека смислата на оваа коалиција е да се создаде движење за сите кои се за успешен референдум, да се поканат граѓаните да гласаат за европска Македонија и да дадат поддршка на интегративните процеси на Македонија во НАТО и ЕУ.
Во Клубот на пратениците во Скопје попладнево во 14 часот премиерот Зоран Заев во име на коалицијата која е за членство на Македонија во НАТО и ЕУ го најави почетокот на кампањата за референдумот.
Коалицијата ја сочинуваат триесеттина партии кои се обединија во повикот до граѓаните за позитивен исход на референдумот и за евро-атлантска иднина на Македонија.
Премиерот Зоран Заев го осуди вчерашниот инцидент на Водно меѓу градежни работници и активисти од граѓанските движења од областа на екологијата, кои протестираа за заштита на шумата.
Тој изрази жалење за ваквиот начин на однесување на багеристите и кои било други претставници на изведувачите, работници и наши граѓаните коишто работат.
Вработените во основното и средното образование во октомври, со исплата на септемвриската плата ќе го добијат зголемувањето за пет проценти. Одлуката ја донесе вчера Владата, а денеска во насока на реализација на ова зголемување на платите Министерството за образование и наука и Самостојниот синдикат на образование, наука и култура на Република Македонија потпиша Меморандум за соработка.
Граѓанската организација „Го сакам Водно“ бара дебата со директорот на МЕР, градоначалникот на Скопје и заменик министерот за животна средина и просторно планирање на која, како што велат, јавно ќе ги изнесат нивните агрументи за изградбата на гасоводот низ Парк шумата Водно.
Регистар на лица со ретки болести од денеска е активиран во рамки на електронскиот здравствен систем на Министерството за здравство. Овој електронски модул со податоци ги содржи сите основни информации за пациентите заболени од ретки болести, нивната дијагноза, потребната терапија, соодветната клиниката на која се лекуваат, како и лекарот кој ги лекува.
А. Петровска
