На 3 март, во западниот сегмент на платформата за социјалните медиуми Х беше објавен пост дека „лидерот на Десниот сектор и командантот на Украинската доброволна армија“ наводно повикал на апсење на украинскиот претседател Володимир Зеленски за предавство.
Според Украинската доброволна армија лажната објава има за цел да ја подели украинската нација.
Покрај тоа, Дмитро Јарош, наводно, сугерирал дека властите користеле украински националистички групи во опасни мисии за намерно да ги уништат. Ова, наводно, треба да му помогне на тимот на Зеленски да ја задржи власта во иднина. Во објавата се вели и дека Јарош го бара Интерпол за долга листа на кривични дела.
Постот е лажен. Како што пренесува Укринформ, Дмитро Јарош не е лидер на Десниот сектор од декември 2015 година, а од јануари 2016 година не е баран од Интерпол, кој го стави на листата на барани по барање на Русија уште во јули 2014 година.
Изјавите на Јарош, кои авторот ги наведува, се фиктивни. Во коментар за Укринформ, претставник на штабот на Украинската доброволна армија рече дека лажниот пост е создаден од руските разузнавачки служби и има за цел да ја подели украинската нација, да ги понижи украинските лидери и да ги оцрни идеите на украинскиот национализам.
„Во официјалните медиумски ресурси и на социјалните мрежи, информациите споменати или слични по содржина не беа објавени од страна на Дмитро Јарош и претставниците на украинската доброволна армија. Од почетокот на руската целосна инвазија на Украина, командантот на Украинската доброволна Армијата, Дмитро Јарош одлучи да ги минимизира сите јавни говори, бидејќи таквите информации може да бидат искривени и искористени од непријателот во своја полза, а политичкиот ПР за време на војна е понижувачки и несоодветен“, додаде тој.
Самата објава беше споделена на сметката на Џејмс Порацо (@JamesPorrazzo), кој се претставува како новинар, уредник и политички технолог. Објавата веќе доби повеќе од 37.000 прегледи и повеќе од 200 реобјавувања. Содржината што ја сподели Порацо на неговиот профил на социјалната мрежа Х е антиукраинска.
Покрај тоа, тој има сомнително потекло, а неговите активности се поврзани со екстремистички организации. Во 1993 година, Џејмс Порацо ја предводеше американската расистичка организација Американски фронт. Ја поддржуваше идеологијата на „Третата позиција“ – еден вид неофашизам.
Подоцна, според Јужниот правен центар за сиромаштија, Порацо го создал Нов отпор, кој ги поддржува ставовите на расистичкиот идеолог на Кремљ, Александар Дугин, кого Порацо отворено го нарекува пријател.
Подготви: Драган Мишев
