• Latest

Ѓаволот доаѓа по своето!

February 14, 2016

Левица загуби во суд против АВМУ за тужбата за платено политичко рекламирање

October 8, 2025

Ѓорѓиевски ветува нов стадион и културен дом за Шуто Оризари; Митески носи соларна револуција во Аеродром; Касами вели дека по 20 години, Тетово конечно добива ново училиште; Меџити стартува кампус од 40 милиони евра во Чаир

October 8, 2025

Најстрога казна од три години затвор добија тројца обвинети за создавање диви депонии во Вардариште

October 8, 2025

Отворена онлајн база за евиденција на случаи на насилство во Србија

October 8, 2025

Уапсена жената на Зекирија Шахини – советникот на ДУИ во кој вчера беше пукано во Куманово

October 8, 2025
Фото: Фејсбук Христијан Мицкоски

Од цврсто НЕ за предвремени, до можност за избори по локалните – најави Мицкоски

October 8, 2025
Фото: Скриншот од видео на
Insight 360 News USA

Најмалку 24 лица загинаа откако хунтата изврши бомбардирање со параглајдер на будистички фестивал во Мјанмар

October 8, 2025
Фото: Скриншот од видео на
TODAY

Зетот на Трамп и специјалниот пратеник Виткоф се приклучија на мировните преговори за Газа во Египет

October 8, 2025
Фото: Скриншот од видео на 24 Канал

Проукраинските партизани предизвикаа излетување од шините на возот со воен товар во руската Ленинградска област

October 8, 2025
Слика од израелското министерство за надворешни работи ги прикажува активистите за помош на Коалицијата „Флотила на слободата“ откако нивниот брод беше качен од израелската војска. Фото: Израелско министерство за надворешни работи/X

Израелските сили пресретнаа нова флотила со помош за Газа

October 8, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА

Ѓаволот доаѓа по своето!

February 14, 2016 12:50
in СЛОБОДНА ЗОНА
Share on FacebookShare on Twitter

Никола Груевски поднесе оставка на местото премиер и распиша избори за 24 април. До изборите, во име на Груевски, Владата на Република Македонија ќе ја предводи неговиот заменик, до неодамна анонимен апаратчик. Иако, де јуре не е на премиерска функција, де факто, Груевски ја води Владата. Што се однесува до изборите, извесно е дека опозицијата нема да учествува. Зошто?

Пишува: Златко Паковиќ
Пишува: Златко Паковиќ

Најкратко, затоа што сé остана исто. Пошироко, ова се основните и основани забелешки:

Седум месеци откако Европската комисија ги усвои Ургентните реформски приоритети и Експертските препораки од „Извештајот на Прибе“ (Рајнхард Прибе, раководител на Сениорската експертска група), таму препорачаните. нужни реформи, останаа мртва буква на хартија.

Најнапред, не е воспоставен конструктивен дијалог на власта, оопзицијата и граѓанското општество. Наместо тоа, власта одлучува исклучиво еднострано. Така, самоволно се распишани и изборите. Наместо вледеењето на поравото и принципот на поделба на власта, на сцена е, всушност, политичко самоволие, а законодавната и судската власт се узурпирани од извршната власт. Човековите права не се почитуваат, а Уставот на Република Македонија го кршат оние, кои пред сите останати, би требало да го почитуваат. Нема судски и собраниски надзор над Управата за безбедност и контраразузнавање. Оваа оранизација и понатаму е без контрола и може да прислушува јавни личности. Нема независност на регулаторните тела. На пример, на Народниот правобранител (Омбудсманот – заштитникот на граѓаните) не му е овозможено,  според прикажаните докази, да го истражи кршењето на човековите права во врска со скандалот за прислушување. Државната комисија за борба против корупцијата не стори ништо околу обелоденетите докази за корупција на највисокото ниво на власта. На чело на Дирекцијата за заштита на личните податоци е поставено лице за кое се изнесени сериозни докази дека претходно било вклучено во изборен криминал. Не станува ни збор за департизација на јавната администрација. Уште повеќе, толку има прекубројно вработени, што оние кои нема први да дојдат до своите канцеларии, подоцна не можат да најдат слободно столче. Власта ја задолжува државата со кредити за да ја плаќа амдинистрацијата и да ја купува нејзината лојалност и гласовите на изборите. Конституирањето на Државната изборна комисија доценеше четири ипол месеци, со што беше оневозможено таа да ги истражи нерегуларностите на претходните избори. Не е воспоставен нов Избирачки список, а на стариот – бројот на избирачи е речиси еднаков со бојот на жителите на Македонија, сметајќи ги и сите малолетни лица! На претходните избори, утврдено е, гласале и бројни мртви лица. Јавниот сервис е под целосна контрола на власта. Затоа, опзоицијата ги бојкотира изборите. Тие и такви избори, во вакви услови се чита фарса.

Седумдесет и осум невладини организации потпишаа протестно писмо до сите амбасади на државите членки на ЕУ и до амбасадата на САД, но и до сите претставници на меѓународната заедница во Македонија. Тоа писмо завршува со следните зборови:

„Ние граѓаните и активистите од граѓанските организации очекуваме Европската унија и натаму да биде наш сојузник и партнер во борбата за демократизација на Република Македонија. Во спротивно, со жалење ќе мораме да констатираме дека ЕК станува соучесник во газењето на демократијата, човековите права и владеењето на правото во Република Македонија.

Без исполнување на условите за слободни, фер и демократски избори, што подразбира нужно одложување на постојниот датум, ние како граѓански активисти немаме друга опција, освен да повикаме на бојкот на изборите, закажани во април и на масовни протести против режимот кој продолжува да ги гази демократијата, човековите права и владеењето на правото во Република Македонија“.

Писмото до европските официјални лица е необично остро, но со причина. Европската комисија не се изјасни негативно за самоволниот чин на Груевски да распише избори, иако нишпто не е сторено – тие да се озвозможат во демократски дух. Во Македонја се веќе објавени неколку текстови во кои се тврди дека Груевски, всушност, и ветил на Европската унија решавање на едно од надворешно-политичките прашања за чија разрешница ЕУ многу се грижи. Имено, во следниот период, Груевски ќе се согласи со промена на името на Република Македонија, во согласност со барањата на Грција. За ова да се спроведе, потребно е, значи, Груевски повторно да биде на власт.  Поради решавање на еден меѓународен, билетарален проблем, изгледа дека ЕУ е подготвена да замижи пред кршењето на човековите права, внатре во една држава.

А Груевски, официјално, сега само шеф на ВМРО-ДПМНЕ, започна со исклучително бескрупулозна предизборна кампања. Неговото обраќање пред Унијата на жените на ВМРО-ДПМНЕ, е исклулчителен пример на сатанизација на политичкиот противник. Говор на омраза и заплашување, пар екселанс:

„На 24 април доаѓа до казна и до одмазда на народот. Доаѓаат неговите пет минути. Тоа е денот кога овој народ, народот на Македонија, на сите ќе им покаже кој е кој во оваа држава… Затоа, СДСМ сега бега од изборите. Затоа што знаат дека доаѓа казната. Цела година и половина соработуваа со ѓаволот. Сега ѓаволот доаѓа по своето“.

Ѓаволот доаѓа по своето, тоа го изговори Груевски, претходно поставувајќи релација меѓу идентитетот на својата партија и народот, меѓу себеси и државата! Ќе биде тоа жежок април!

Во меѓувреме, иако е 2016, проектот „Скопје 2014“ продолжува. Тоа е проект на фалисфикување на наследството, со кој, пред сé, се премолчува и поништува југословенското минато на Македонија, во кое е воспоставена и државноста на таа југословенска република, националноста на Македонците, и во која е признаен нивниот мајчин, македонски јазик

Кој и да влезе во зградата на Владата на Република Македонија како прв иден премиер, зградата која е „рекласицизирана“ како шампита, пред портите секако ќе го дочекаат скулптури на императори, а пред вратата на самиот кабинет, во кој повеќе од една деценија владееше Груевски, скулптури на таткото Тит и син му Филоксен.

Не се шега седумте илјади години македонска историја, како што тврдат државните, прорежимски археолози, и во тој дух на измислување на минатото, и понатаму во Скопје ќе се поставуваат, пред сé, скулптури. Зошто скулптури, пред сé? Одговорот не е во сферата на естетиката, туку во сферата на даночната, економска политика. Затоа што данокот на скулптури  е најнизок.

Некој веќе пресметал дека сите досега поставени, главно гигантски, скопски скулптури, да биле случајно излеани од суво злато, сепак, би чинеле помалку отколку што чинеа, иако се само со лажна позлата. А од каков материјал се, доволно зборува онаа зелена боја која после неколку години ги прелива, па затоа денес, бројните коњаници и коњи се премачкани со некоја црна боја, катраносани и сите – вранци. Како што би рекол Груевски, ѓаволот доаѓа по своето!

 


Во белградскиот дневен весник „Данас“ од петок 12 февруари 2016, известувачот од Скопје Златко Паковиќ во текстот „Ѓаволот доаѓа по своето“, пишува за актуелната политичка ситуација во Македонија, и потенцира дека во актуелните услови, изборите во Македонија би биле чиста фарса! Текстот е пренесен во согласност со Авторот.
Print Friendly, PDF & Email
Tags: ГруевскиДанасдиктатураЗлатко ПаковиќизборикризаМакедонијаполитикаЦивил
Share33Tweet21Send

НАЈЧИТАНИ 5

  • Крвава кампања во Виница: Кандидат за советник брутално претепан за да се откаже од листата на ВМРО-ДПМНЕ

    153 shares
    Share 61 Tweet 38
  • Украински дронови нападнаа повеќе воени и индустриски објекти низ Русија далеку од фронтот, експлозии во една од најголемите фабрики за експлозиви

    91 shares
    Share 36 Tweet 23
  • Говор на омраза и сексизам кон кандидатка за советничка на ВМРО-ДПМНЕ, ЦИВИЛ со осуда

    147 shares
    Share 59 Tweet 37
  • Украински дронови го погодија најголемиот нафтен терминал во окупираниот Крим, предизвикувајќи огромен пожар

    90 shares
    Share 36 Tweet 23
  • Украина ги прекинува дипломатските односи со Никарагва

    89 shares
    Share 36 Tweet 22
CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ