„На 24 февруари 2022, Русија го прекина мировниот процес почнувајќи целосна војна против Украина. Спротивно на фактите, изобличување на историјата, ширење дезинформации и уценувања е модус операнди на Москва со векови. Политиката на Кремљ има уништувачки ефект на искривено огледало. Русија во Украина ги повреди меѓународното право и Повелбата на ООН започнувајќи воена агресија против Украина, земја која доброволно се откажа од своето нуклеарно воорушување“, изјави Амбасадорката на Украина во Северна Македонија, Лариса Дир, на настанот по повод три години од отпорот на Украина против руската агресија, 24 февруари 2025 што се одржа во Јуроп Хаус Скопје / Делегација на ЕУ во Република Северна Македонија.
„Повеќе од 20% од украинската територија е под руска окупација, а 30% е од територијата е минирана. Десетици илјади украински војници и цивили се убиени од руските сили. Десетици илјади воени затвореници и цивили се држат во затвор и во кампови за филтрација, десетици илјади украински деца се киднапирани и депортирани во Русија што претставува злосторство според Конвенцијата за геноцид. Илјадници населени места се уништени, срамнети со земја, само нивните имиња остануваат на мапата.
Сѐ додека агресорот верува дека може да победи и ја наметнува својата желба на светот, нема простор за постигнување на мир. Само пораз на Русија може да го отвори патот до навистина конструктивни преговори. Украина е посветена да се осигури дека напорите на Украина, САД, Обединетото Кралство и ЕУ да се прогласи крај на руската агресија врз Украина. Да се заврши оваа војна глатко и само со мир, не смее да има грешки. Гаранциите треба да се добијат од оние кои навистина можат да ги обезбедат.
Навистина сме благодарни на Северна Македонија која ни обезбеди тешко оружје, муниција, мини, како и хуманитарна поддршка за Украинците кои пронајдоа заштита во земјава по започнувањето на руската агресија врз Украина.
Оваа војна мора да заврши со праведен и траен мир. Мир без правда може да води само кон друга војна. Русија мора да одговара за воената агресија. Украина никогаш легално нема да ги признае украинските територии окупирани од Русија.
Ви благодариме на поддршката, ве молам продолжете и понатаму да не поддржувате.
Невозможно е да се заврши оваа војна без Украина“, изјави украинската амбасадорка Ларис Дир во своето обраќање.
Б. Ј.
