“Бројот на новодијагностицирани, но и бројот на пациенти, генерално во државата, во последните денови, нагло расте. Ако ја гледаме динамиката со којашто бројот се зголемува, може да кажеме дека следуваат неколку недели во кои ситуацијата може да биде навистина критична”, изјави министерот за здравство, Венко Филипче, кој денеска беше во посета на Општата болница во Охрид.
Филипче кој изјави дека бројот на новодијагностицирани и хоспитализирани со КОВИД-19 нагло расте, во Охрид, разговарал со директорите на Општата болница во Охрид и Центарот за јавно здравје за состојбата со болни од КОВИД-19, за подготовката на капацитетите и евентуалниот прием на болни од други градови.
Министерот уверува дека иако во следните недели ситуацијата може да биде критична, здравствениот систем е подготвен за новиот бран. Потенцира дека вакцинацијата е безбедна, ефикасна и ефективна, а како факт посочува дека само десет проценти од вкупно 3497 новодијагностицирани во последата седмица се вакцинирани со една или со двете дози вакцина против КОВИД.
Зголемување на бројот на новодијагнностицирани и на хоспитализирани пациенти особено има во Тетово, Гостивар, Кичево, Куманово.
”Тука се исполнуваат инфективните одделенија, дел од пациентите се префрлуваат во Скопје. Клиниката за инфективни болести е пополнета со овие пациенти и со дел од пациенти кои се дијагностицирани во Скопје. Сега, се активираат останатите ковид – центри. Системот е подготвен, лекарите во тимовите за ротација. Подготвени сме да го дочекаме притисокот од овој бран”, вели Филипче.
Според него, анализата покажува дека е посебно голем бројот на новодијагностицирани во градови каде што е мал опфатот со вакцинацијата, односно е околу 20 до 23 проценти. Во Охрид, опфатот со вакцианција е 50 проценти и во моментот има помалку од десет хоспитализирани пациенти.
“Во разговорот со директорите костатиравме дека е мал бројот на пациенти кои се јавуваат на преглед и кои имаат индикација за тестирање. Од вкупно 3497 пациенти кои се дијагностицирани изминатите седум дена, 3047 се невакцинирани, што значи дека само десет проценти се вакцинирани и се позитивни и тие кои се во болница на лекување имаат прилично стабилна состојба. “Дополнително”, вели Филипче,”охрабрува тоа што од вупниот број вакцинирани во земјава, од околу 400.000 ревакцинирани и околу 500 илјади со прва доза, само 0, 002 проценти се заразиле”.
-Ова укажува дека само оваа популација е прилично сигурна и обезбедена. Тоа е доказ дека вакцината е безбедна, дека тие граѓани немаат никакви компликации, истакна Филипче.
М. Ј.
