Секој работен ден во 12 часот, ЦИВИЛите преку инфо -штандови ќе ги промовираат, а воедно и ќе ги информираат граѓанките и граѓаните за проектните активности на организацијата. ЦИВИЛ – Центар за слобода, денеска, ги промовираше проектите „Слободни општество“ и „Акција – Интеграција“, каде граѓанките и граѓаните имаа можност да се запознаат со работата на организацијата и да споделат мислења со тимот.
На прашањето на ЦИВИЛ Медиа што мислат за предлог името – Република Илинденска Македонија граѓанките и граѓаните одговорија: „Ни случајно, само Република Македонија!“, „Мислам дека ќе биде проблем со Бугарија, тие го сметаат за бугарско востание“, „Македонија е божја земја и божји народ!“. Имаше и граѓани на кои им се допаѓа предлогот – „Нешто прекрасно, нешто нај најубаво!“, вели една граѓанка.
Штип подолго време се мачи со регулација на сообраќајот. И покрај обидот за решавање на проблемот со паркирањето, сепак најидеалното решение на возачите остануваат тротоарите. Граѓанската новинарка од Штип ја искористи иницијатавата #БарамОдговор за да се обрати до локалната власт да преземе мерки за безбедноста во сообраќајот. „Време е како надлежни органи за градот да преземете сооодветни мерки. Барам одговор од вас како ние, пешаците безбедно да се движиме по тротарите низ Штип?“, побара и очекува одговор граѓанската новинарка.
Грчкиот Врховен суд го одби барањето на македонското Министерство за правда за екстрадиција на бегалците Горан Грујевски и Никола Бошковски. Двајцата остануваат во Грција и во меѓувреме ќе бидат ослободени од затвор.
Претседателот на Собранието Талат Џафери од Охрид, истакна дека разговорите во рамки на процесот „Жан Моне“ се одвиваат во контруктивна, работна атмосфера, со консензуален став на учесниците за потребата од регулирање, односно дорегулирање на односите во Законодавниот дом. Процесот „Дијалог Жан Моне“ е инициран од европратениците Иво Вајгл, Кнут Флекенштајн и Едуард Кукан.
Дехран Муратов
