Грција спаси стотици мигранти кај своите јужни острови Гавдос и Крит во пет одделни инциденти од петокот, соопшти нејзината крајбрежна стража во неделата, пренесува Ројтерс.
Повеќе од 430 мигранти беа забележани и спасени на околу 25 наутички милји од Гавдос, најјужниот остров на Грција, во неделата, соопшти крајбрежната стража.
Во одделен инцидент, исто така во неделата, граничната агенција Фронтекс на Европската унија спаси 96 мигранти на два брода кај Крит, соопшти крајбрежната стража. Мигрантите сега се носат на Крит, најголемиот и најнаселен остров во Грција.
Пристигнувањата по море од североисточна Либија на мигранти кои се обидуваат да преминат во Европа, во последните месеци главно доаѓаат од Блискиот Исток и Северна Африка, вклучувајќи државјани од воено разурнатите региони и граѓани на Египет и Бангладеш.
Минатиот месец Атина соопшти дека ќе распореди две фрегати во близина на либиските територијални води за да помогне во запирањето на протокот. Исто така, ја повика Либија да соработува потесно со Грција и ЕУ за да ги спречи мигрантите што пловат оттаму или да ги врати назад пред да излезат од либиските територијални води.
Во друг инцидент во неделата, грчки медиум објави снимка на која се гледаат десетици мигранти како скокаат од глисер во водата пред да стигнат до бреговите на јужен Крит.
Грција и Либија се обидуваат да ги поправат односите потпишани во 2019 година меѓу либиската влада и Турција.
Грчкиот министер за надворешни работи, Јоргос Герапетритис, отпатува во Бенгази во неделата за да разговара за миграцијата со воениот командант на источна Либија, Калифа Хафтар.
„Ќе продолжиме со нашите непрекинати односи… и се надеваме дека во блиска иднина ќе имаме опипливи резултати за напредокот на нашите односи“, изјави Герапетритис, цитиран од неговото министерство, по средбата со Хафтар.
Д. Мишев
