Протестот „Извинете што ви пречам, не можам да дишам“ се одржа денеска во Загреб, точно шест месеци по смртта на новинарот Владимир Матијаниќ, кој почина на 6 август минатата година, откако не само што пет дена му беше одбиена медицинска помош, туку не добил ниту соодветен лекарски преглед.
Протестот беше, како што рекоа организаторите, против системот што го уби Матијаниќ и за сите други жртви на здравствениот систем воопшто не функционира во Хрватска.
Како што пренесува МИА, хрватското здружение на новинари (ХНД) се залага за независна истрага за околностите околу смртта на Владимир Матијаниќ, а бара и оставка од министерот за здравство Вили Берош, јави Индекс.Хр.
Претседателот на ХНД, Хрвоје Зовко и животната сопатничка на Матијаниќ, Андреа Топиќ, ги доставија барањата од петицијата потпишана од речиси 5.000 луѓе до хрватската Влада.
Зовко ги повика учесниците на протестот со салва од свирежи да ги поздрават министерот Берош и премиерот Андреј Пленковиќ.
-Шест месеци не уверуваат, лажат, манипулираат дека се е во ред. Ова дејствуваше како комисија за санација на штетите, рече Зовко.
Тој изјави дека ова е протест за сите кои доживеале трагедија како оваа на колегата Владимир.
Според него, граѓаните ја поддржуваат борбата на бројните здравствени здруженија кои бараат подобри услови за работа.
-Му порачуваме на премиерот, ова е тема која никогаш нема да ја заборавиме, посочи Зовко.
Животната сопатничка на Матијаниќ, Андреа Топиќ, прочита неколку статуси на Владимир на Фејсбук.
-Владо постхумно го објави својот најважен текст, тоа се снимките што ги слушнавме. Владо постхумно докторира, рече Топиќ, потсетувајќи на неговото истражување на докторатот на Вице Михановиќ од ХДЗ.
Министерот Берош ги предупреди учесниците на протестот да не го користат овој трагичен настан за политички цели.
-Може да побарате моја оставка, но како новинари не ја користете смртта на вашиот колега за некои други политички цели, изјави Берош.
