Илјадници луѓе се евакуирани во Јужна Калифорнија додека официјални лица предупредуваат на закана од пожар.
Заканата од пожар и понатаму е критична во Јужна Калифорнија, каде што илјадници жители беа под наредба за евакуација во средата додека противпожарните екипи се бореа со неконтролираниот пожар Хјуз во близина на Кастаик, предградие во подножјето и планините на северниот дел на округот Лос Анџелес, објави Си-ен-ен, пренесува ЦИВИЛ Медиа.
Неинкорпорираната заедница Кастаик е околу 15 милји северозападно од градот Санта Кларита и се граничи со Националната шума Анџелес. Приближно 31.000 жители во областа се под наредба за евакуација, додека 23.000 се под предупредување за евакуација, според шерифот на округот Лос Анџелес, Роберт Луна.
„Имаме над 4.000 пожарникари назначени за инцидентот“, рече Мароне, истакнувајќи ја „робусната“ копнена и воздушна реакција на пожарот. „Ситуацијата останува динамична, а пожарот и понатаму е тежок за контролирање, иако добиваме предност“, додаде Мароне.
Подготви: Д. Мишев
