Владата на Косово потврди за Радио Слободна Европа дека изразила подготвеност да соработува со Соединетите Американски Држави во врска со приемот и привременото преселување на државјани од трети земји во Косово, „во согласност со утврдените услови“.
Конституирањето на косовското собрание не успеа по 30-ти пат, јавуваат косовските медиуми.
Во продолжение се поместени содржините од денешниот редакциски избор на ЦивилМедиа, од албанските медиуми во регионот.
КОСОВО
РСЕ: Косовската влада изрази подготвеност да прифаќа мигранти депортирани од САД
Владата на Косово потврди за Радио Слободна Европа дека изразила подготвеност да соработува со Соединетите Американски Држави во врска со приемот и привременото преселување на државјани од трети земји во Косово, „во согласност со утврдените услови“.
„Во период од една година, до педесет лица можат да бидат привремено преселени, со цел да се олесни нивното безбедно враќање во нивната земја на потекло. Владата изрази подготвеност да се ангажира, со можност за избор на лица од предложен список, доколку ги исполнуваат одредени критериуми во врска со владеењето на правото и јавниот ред“, изјави за Радио Слободна Европа Перпарим Криезиу, портпарол на вршителот на должноста влада.
Блиц: 30 неуспеси – застојот во Собранието продолжува
Конституирањето на косовското собрание не успеа по 30-ти пат, објави „Газета Блиц“. 52 пратеници гласаа „за“, немаше воздржани и немаше против.
Претседателот на седницата, Авни Дехари, изјави дека следната седница ќе продолжи во петок, 13 јуни, во 11:00 часот.
Еуроњуз: Бизнисмените протестираат против либерализацијата на пазарот на електрична енергија
„Не го запирајте нашето производство“, „Брза либерализација на електричната енергија – монопол, а не конкуренција“, „Без транспарентност, нема слободен пазар“, ова се дел од транспарентите на протестот што денеска во Приштина го одржаа претставници на бизнисот, против одлуката на Канцеларијата за регулација на енергетика.
Одлуката на Канцеларијата за регулација на енергетика (КАЕ), за либерализација на пазарот на енергија, стапи на сила на 1 јуни.
Според оваа одлука, сите приватни и јавни компании кои имаат над 50 вработени или годишен обрт од над 10 милиони евра се на отворениот пазар и се снабдуваат со енергија по цени кои не се регулирани од државата, пренесе Еуроњуз.
Повеќе од 1.300 приватни бизниси се веќе дел од овој пазар.
Сепак, одлуката предизвика силни реакции и бројни загрижености од деловната заедница.
АЛБАНИЈА
Факсвеб: СПАК ја продолжи истрагата за Илир Мета на уште шест месеци
Адвокатот на Илир Мета, Кујтим Цакрани, денес зборуваше од Специјалното обвинителство, каде што изјави за медиумите дека истрагата против Мета ќе биде продолжена за уште шест месеци. Адвокатот на претседателот на Партијата на слободата, пред просториите на Специјалното обвинителство, изјави дека ова е втор пат СПАК да ги продолжи истрагите против Мета.
Мета изјави дека „живееме во изборна автократија“ и предупреди дека случајот ќе се води до Европскиот суд за човекови права, пренесе Факс веб.
КОЛУМНА
Коха: „Човекот што ја избра слободата“
Бујар Букоши (1947-2025)
„Четириесет години подоцна, Бујар Букоши ритуално му се повторуваа две сцени кои претставуваа речиси една целина.
Првата беше онаа на д-р Бујар и д-р Зана Букоши, кои се соочуваат со дилемата на животот, останувајќи во Германија како лекари кои се веќе специјализирани и поканети од германски професори – 1985 година е, сè на Косово е поминато и се движи кон одредена деградација по репресијата што ја вршат Србија и остатокот од Југославија.
Втората е мало село во Егејот, во северна Грција, во кое двојката и нивните три ќерки ги поминуваат летните одмори со секојдневната грижа на сопствениците на изнајмената куќа. Споени во една, двете сцени ја дадоа сликата за европско семејство од средната класа кое ужива во животот во својата предвидлива безбедност.“, пишува косовскиот Автор Ветон Сурои, во колумната „Човекот што ја избра слободата“, објавена во Коха.
Подготви: Д. Тахири
