СУРИ НЕТ: „Судовите во Косово не се толку политизирани колку што се зависни“
„Искрено, не гледам некоја голема опасност од политизацијата на („независните“) институции на Косово (бидејќи тоа е феномен што ги следеше речиси сите постсоцијалистички земји!), колку од партизацијата и ( особено !) нивната кланизација! Велиме така, затоа што „традицијата“ на кланизација и партизација, како правец и како старо социо-политичко искуство, докажа еден интересен социолошки факт. Она за доцнењето на реконструкцијата на новите демократски институции, за време на процесот на градење на државата. Бидејќи во повеќето постсоцијалистички земји има повеќе докази за култура на криминогено однесување отколку за демократско искуство…“, пишува Фадил Малоку во колумната „Судовите во Косово не се толку политизирани колку што се зависни“.
БОТА СОТ: Граѓаните го поздравија зголеменото присуство на полиција во северниот дел на Митровица
„Жителите на „Бошњачка населба“, „Три облакодери“, „Кодра е минаторит“ и „Крои и Витакут“ во северниот дел на Косовска Митровица го поздравија зголемувањето на присуството на косовската полиција на северот од земјата.
Припадници на косовската полиција синоќа по 20 часот биле позиционирани на различни локации на северот на Митровица. Тие главно се лоцирани во станбени населби со мешано население каде има и Албанци.
На локациите каде што е стационирана косовската полиција, забележани се припадници на КФОР како кружат со своите возила, но и на ЕУЛЕКС.“, пренесе косовската БОТА СОТ.
ЈАВА ЊУЗ: „Недопирливиот“- Албански мит што трае 32 години по падот на комунизмот
„Недопирливите“ всушност не се само мит, туку е статус на Албанија која денеска ја слави 32-годишнината од студентскиот протест со кој беше соборен комунистичкиот систем во Албанија.
Во оваа земја по соборувањето на диктатурата, беше инсталиран хибриден систем кој зацементира политичка каста, судии, обвинители, бизнисмени и издавачи на медиуми, кои не можат да се допрат. Тоа едноставно не се случува; тоа беше непишано правило кое создаде капиларна елита која започна од први функционери, политичари од средна линија, бизнисмени, луѓе со влијание или лобисти, а пред се силни, кои имаа униформи и полициски униформи или ШИК, кои правеа илјада црнила.“ , извадок од колумната „Недопирливиот“- Албански мит што трае 32 години по падот на комунизмот“ од Ули Пата.
Д. Тахири