Неформална“ група провладини медиуми вчера побрзаа да објават дека на протестот организиран од иницијативата “Кој е следен” за 59-те жртви од пожарот во кочанската дискотека „Пулс“ имало далеку помала масовност од најавуваната (+инфо); само неколку стотини луѓе се појавија (Лидер); народот ги свати (со В наместо сфати, можеби од брзање, а не поради недоволна писменост н.з.) обидите за злоупотреба на трагедијата, околу 300 луѓе на вечерашниот протест на плоштад (Курир); само стотици граѓани излегоа на марш, препознаени политичките игри за злоупотреба на несреќата (Република).
Ден потоа, откако беа демантирани од видеата споделувани на независни медиуми и социјалните мрежи на кои се гледа учество на илјадници граѓанки и граѓани. Слеани во река од народ како се движат по маршутата од плоштад кон Влада, дел од нив се обидоа да ги сокријат објавените дезинформации, бришејќи го објавите, но трагот остана.
Овој напис е во контекст на дезинформациите кои ги шират провладините медиуми за вчерашниот протестен марш одржан во Скопје во организација на иницијативата „Кој е следен?“, и е дел од поширокиот текст за разобличување на дезинформациите во македонските медиуми „Фијаско на провладините медиуми: Фатени во лага, во паника бришат постови и спинуваат“ од Драган Мишев.
М. Д.
