ЦИВИЛ – Центар за слобода ги повикува кавадарчанки и кавадарчани да се пријават на работилницата за граѓански новинари што ќе се одржи во Кавадарци, во среда (на 17 мај) на градскиот плоштад, со почеток во 13 часот и активно да влијаат врз општествените промени на локално и национално ниво. По успешниот семинар за граѓански новинари што се одржа во март, ЦИВИЛ повторно организира работилница за уште десетина заинтересирани граѓанки и граѓани.
По теоретскиот дел од обуката, граѓанските новинари ќе имаат практична работа на работилницата, со снимање видео-стории, фотографирање, правење анкети…, по што ќе следува евалуација на нивната работа.
Бројот учесници не е ограничен. Сите заинтересирани граѓанки и граѓани можат да се пријават преку пополнување на онлајн формулар или преку електронската адреса civil.macedonia@gmail.com, со кратка биографија и мотивациско писмо (максимум по 10 редови) во кои кандидат(к)ите накратко ќе ги опишат своите вештини и ќе изразат подготвеност за учество на семинарот.
За допонителни информации заинтересираните можат да се јават на 02/5209176, да напишат порака на civil.macedonia@gmail.com или на Фејсбук страницата Citizen.Journalists.
За повеќе содржини поврзани со проектот и активностите на граѓанските новинари, лајкнете ја Фејсбук страницата Citizen.Journalists.МК и посетете ја веб страницатa www.clp.mk.
Граѓанското новинарство е нов бран на медиумската слобода што го промовира објективното и нецензурарано информирање ширум светот користејќи ги технолошките придобивки допирајќи до јавноста преку интернет и социјалните мрежи побргу од традиционалните медиуми.
Проектот „Граѓански објектив“ е поддржан од National Endowment for Democracy.
